SALMOS 51

1Jatun munakuyniykirayku, Diosníy, khuyakuway. Khuyaj sonqo kasqaykiwan tukuy juchasniyta pampachay. 2Sajra kayniyta mayllaway. Juchasniymanta llimphuchaway. 3Noqa pantasqayta reparakuni; juchayta mana qonqayta atinichu. 4Contraykipi juchallikorqani, Qampa contrallaykipi, ñawpaqeykipi mana allin kajta ruwaspa. Chayrayku nisqaykeqa cheqan. Juchachawaspaqa, mana pantankichu. 5Nacekusqaymantapacha sajra kani. Mamaypa wijsanmantapacha juchasapa kani. 6Qanqa munanki runa ch'uwa sonqo kananta. Sonqoypitaj yachayniyoj kayta yachachiwarqanki. 7Hisopo qhorawan llimphuchaway llimphu sonqo kanaypaj. Mayllaway Tata Dios, rit'imanta aswan yuraj kanaypaj. 8Tata Dios, jatun kusikuywan junt'achiway. Tullusniyta phiriykuwarqanki chaypis, watejmanta kusichiway. 9Juchasniyta ama qhawaychu, tukuy sajra ruwasqasniytataj pampachay. 10Diosníy, llimphu sonqota qoway. Ukhuypi mosoj cheqan espirituta churay. 11Ñawpaqeykimanta ama wijch'uwaychu, amataj Espíritu Santoykita qhechuwaychu. 12Watejmanta kutichimpuway salvacionniykimanta kusikuyta. K'acha sonqoyojta sayachiway, 13sajra runasman kamachisqasniykita yachachinaypaj sajra kayninkumanta kutirikamusunankupaj. 14Libraway runata wañuchiymanta. Salvawajniy, Diosníy, noqataj kusiywan takispa willasaj cheqan kasqaykimanta. 15Señor, simiyta kichariy, chay simiywantaj Qanta jatunchasqayki. 16Mana Qanqa uywa ñak'asqasta jaywanata munankichu, nitaj uywa wañuchisqata q'olachipusunaytapis. 17Diosmanqa p'akisqa sonqota jaywana. Qanqa Diosníy, chay jina llakiywan p'akisqa sonqota mana qhesachankichu. 18Allin kajta Sionpaj ruway k'acha munayniykirayku. Watejmanta oqharillaytaj Jerusalenpa perqasninta. 19Chaymantaraj kusiywan jap'inki cheqan kaj jaywasqasta, uywa wañuchisqa q'olachinasta, waj q'olachisqa jaywanasta ima. Chaypacha altarniyki patapi torillosta wañuchispa jaywasonqanku.

will be added

X\