SALMOS 48

1Tata Diosqa may jatun. Diosninchejqa yupaychanapaj jinapuni llajtampi, santo orqompiwan. 2Diospa Sión Orqonqa jatun, k'achitutaj. Jaqay wichaynejpi kusikuy kashan. Sión Orqoqa uj jatun kusikuy tukuy kay pachapaj; chayqa jatun Reypa llajtan. 3Diosqa chay llajtaj kamachina wasisnimpi rejsichikun, Pay sumaj pakakuna kasqanta. 4Kay pachaj reyesnin tantakorqanku, contrampi tukuyninku jamunankupaj. 5Llajtata rikusparí, t'ukorqanku, manchachikuspataj ayqerqanku. 6Chay kikimpi manchachikuywan jap'ichikorqanku; nanaywan q'ewiykachakorqanku nacechikoj warmi jina. 7Qanqa inti llojsimuynejmanta wayrawan Tarsis barcosta phirinki. 8Tukuy Atiyniyoj Tata Diospa llajtampi ñawisninchejwan rikorqanchej, imatachus willawarqanchej, chayta. Jerusalentaqa Diosninchej sinch'ita sayachenqa wiñaypaj. 9Diosniyku, Temployki ukhupi khuyakuwasqaykupi unanchayku. 10Diosniyku, tukuynejpi yupaychasqa kanki, jatun sutiykiman jina. Qanqa atiyniykiwan justiciata ruwanki. 11Sión Orqoqa kusikuchun. Tukuy Judá suyupi llajtaspis jatunmanta kusikuchunku, cheqanta ruwasqaykimanta. 12Sionta muyumuychej, torresninta yupaspa. 13Sumajta qhawaychej jawa perqasninta. Rikuychej kamachina wasisninta, qhepata jamojkunaman willayta atinaykichejpaj, 14imaraykuchus Diosqa wiñaypa wiñaynintimpaj Diosninchej. Payqa pusawasunchej wiñaypaj.

will be added

X\