SALMOS 46

1Diosninchejqa jark'akuwajninchej, kallpanchejtaj. Phutiywan mana allin kashajtinchej, usqhayta yanapawanchej. 2Chayrayku, mana manchachikusunchejchu, kay jallp'a ikhakojtimpis, mama qocha ukhuman orqos chinkaykojtimpis; 3mama qocha yakupis phiƱakuspa qholchoqeyajtimpis, phiƱakuyninwan orqos kharkatejtinkupis, mana manchachikusunchejchu. 4Uj mayu yakoqa Diospa llajtanta kusichin, patapi kaj Diosninchejpa santo llajtanta. 5Diosninchejqa chay llajta chawpipi kashan; Payqa llajtata sayachenqa, tutamantataj yanapanqa. 6Tukuy naciones manchachikuywan qhaparinku, reinospis kharkatinku; Dios parlarejtinkama, jallp'apis unuyan. 7Tukuy Atiyniyoj Tata Diosqa noqanchejwan kashan. Jacobpa Diosnenqa pakakunanchej. 8Jamuychej, Tata Diospa t'ukuna ruwasqasninta qhawaychej, imaraykuchus kay pachata Tata Dios ch'in pachata saqerqa. 9Tukuy kay pachapi ch'ajwasta ch'inyachin. Maqanakuna flechasta, t'ojsina lanzastapis p'akiran, caballoswan aysana carretastataj rupharachin. 10Pachallampi kakuychej, rejsiwaychejtaj Noqa Diosniykichej kasqayta. Tukuy nacionespi yupaychasqa kasaj, tukuy kay pachapitaj jatunchasqa kasaj. 11Tukuy Atiyniyoj Tata Diosqa noqanchejwan kashan. Jacobpa Diosnenqa pakakunanchej.

will be added

X\