1 Justiciata ruwaway, Diosníy. Noqaman kutikuway chay mana creej runaspa contrankupi. Sajra runamanta, ch'awka runamantawan libraway. 2 Diosníy, Qanmin jark'akuwajniy kanki. Imaraykutaj qhesachawanki? Imaraykutaj llakisqa purinay tiyan enemigosniypa sarusqanri? 3 Apachimuway k'anchayniykita, cheqa kayniykitawan, pusanawankupaj santo orqoykiman, maypichus Qan tiyakunki, chayman. 4 Ajinamanta, Diosníy, altarniykiman chayasaj. Chaypitaj arpawan yupaychasqayki, imaraykuchus Qan, Diosníy, sonqoyta kusiywan junt'achiwanki. 5 Imaraykutaj q'enaqakuyman kasqari? Imaraykutaj phutikuyman kasqari? Diospi suyakuyniyta churani, Paytataj yupaychasajraj. Paymin Salvawaj Diosneyqa.
