SALMOS 4

1Wajyasojtiy, uyarillaway, cheqanta ruwaj Diosníy. Qanllapuni orqhowanki tukuy ima llakiymanta. Khuyakuway, mañakusqaytataj uyariway. 2May kasqaykichejta yuyakoj runas, jayk'ajkamataj Diospi kusikuyniyta manakajman tukuchinkichejri? Mayk'ajkamataj manakajta, llulla kajtataj munakunkichejri? 3Yachaychej Diosqa cheqan runata Paypaj ajllakusqanta. Wajyakojtiy, Payqa uyarillawampuni. 4Manchachikuychej, amataj juchallikuychejñachu. Puñoj siriykuspa sonqoykichejta tapurikuychej, ch'intaj kakuychej. 5Jaywanaykichej kajtaqa maychus kajta Diosman jaywaychej, Tata Diospitaj sonqoykichejta churaychej. 6Ashkhas ninku: Pitaj allin kayta rikuchiwasunri? nispa. Khuyakuywan qhawariwayku, Tata Dios. 7Runas kusirikunku trigota pirwaman churaspa, vinotapis jallch'aspa. Tata Dios, paykunaj kusikuyninkumanta Qanqa astawan sonqoyta kusichinki. 8Ni imamanta manchachikuspa siriykuni, puñunipachataj, imaraykuchus Qanlla Tata Dios, sajramanta jark'akuwaspa kawsachiwanki.

will be added

X\