SALMOS 39

1Noqa nerqani: Allinta kawsasaj, ama simiywan juchallikunaypaj; simiytaqa wisq'asaj ñukuwan jina, sajra runas ñawpaqeypi kanankukama. 2Opapis kayman jina karqani. Ni sumaj imasllamantapis parlarerqanichu, nanayniytaj yapakullarqapuni. 3Ukhuypirí sonqoyqa t'impurerqa. Chaypi unanchajtiy, sonqoy oqharirikun. Chayrayku sinch'ita parlayta qallarerqani: 4Tata Dios, imaynatachus tukukunayta, mashkha unaytatajchus kawsanayta willaway, yachanaypaj mana unay kawsayniyoj kasqayta. 5Pisi kawsayta Qan qowanki. Kawsayneyqa manapis kanmanchu jina. Tukuy runaspa kawsayninku uj samay jinalla. 6Tukuy runasqa uj llanthu jina pasapunku. Cheqallamanta llakikuywan qhapajyanankupaj tantasqankupis qhasillapaj, nitaj yachankuchu pipajchus kananta. 7Jina kajtenqa, Señor, imatañataj suyaymanri? Qanllapi suyakuni. 8Juchaman urmanamanta libraway, ama wampu runas asipayanawankupaj. 9Opapis kayman jina karqani; mana parlarerqanichu, Qanmin chayta ruwasqaykirayku. 10Karunchay noqamanta Qan apachimuwasqayki wañuchej onqoyta; makiykej maqasqanwan tukukushaniña. 11Qanmin runataqa castigaspa, allin ñanman churanki, paypa aswan munasqantataj thuta jina tukuchinki. Tukuy runasqa uj samay jinalla kanku. 12Tata Dios, mañakusqasuyta uyariway. Waqaspa qhaparikamusqayta uyariway. Waqasqayta rikuspa, ama ch'inlla kakuychu. Qampajqa uj forastero jina kani, ñan purej runa jinalla, ñawpa tatasniy jinataj. 13Ama jinata qhawawayñachu; uj chhikallantapis samarichiway manaraj ripuspa chinkapushajtiy.

will be added

X\