SALMOS 34

1Tukuy tiempo Tata Diosta bendecisaj, simiytaj Payta yupaychallanqapuni. 2Noqaqa Tata Diospi jatunta kusikuni; uyariychej, kusikuychejtaj, llamp'u sonqoyoj runas. 3Khuska, uj simillataj Tata Diospa jatun sutinta yupaychanachej. 4Tata Diosta qhaparikorqani, Paytaj uyariwarqa. Tukuy manchachikuykunamanta Pay librawarqa. 5Tata Diosta qhawajkunaqa manchay kusisqa kanku. Ni jayk'ajtaj k'akilla qhepakonqankuchu. 6Kay wajcha runaqa qhaparikorqa, Tata Diostaj uyarerqa, tukuy llakiykunanmantataj payta librarqa. 7Tata Diospa angelnenqa Diosta manchachikojkunaj muyuyninkupi jaraykukuspa, paykunata jark'akun. 8Qhawaychej, yachaychejtaj Tata Diosqa k'acha kasqanta. Kusikuyniyojmin Paypi atienekoj runaqa. 9Tata Diosta yupaychaychej, Paypa ajllakusqan kajkuna. Ni imapis pisinchu Tata Diosta manchachikojkunapaj. 10Leonesqa pisichikuspa yarqhachikunku. Tata Diosta mask'ajkunarí ni imamanta pisichikonqankuchu. 11Jamuychej wawasníy, uyariwaychej. Yachachisqaykichej Tata Diosta manchachikuyta. 12Unaytachu kawsayta munanki? Kusisqachu kawsayta munanki? 13Jinaqa ama ima sajratapis parlarparillaychu. Simiykipis ama llullata parlachunchu. 14Karunchakuy tukuy ima sajramanta; tukuywan allin kawsakuyta mask'ay, chaytataj qhatiy. 15Tata Diosqa cheqan runasta waqaychan, qhaparikusqankutataj uyarin. 16Tata Diosqa sajra ruwajkunaj contrankupi sayaykun, kay jallp'amanta sutinkuta chinkachinampaj. 17Cheqan sonqoyoj runaspa qhaparikusqankuta Tata Diosqa uyarin, tukuy llakiyninkumantataj paykunata orqhon. 18Tata Diosqa qayllallapi kashan salvanampaj juchallisqankumanta sonqonkuta nanachikojkunata, pikunachus manaña salvasqa kayta suyankuchu, chaykunata. 19Cheqan sonqoyoj runapaj imaymana llakiykuna rikhurin; chaywampis Tata Diosqa tukuy chay llakiykunamanta payta orqhon. 20Tata Diosqa tukuy tullusninta waqaychan; ni uj tullullampis p'akisqachu kanqa. 21Sajrastaqa sajra kaynillankutaj wañuchin. Cheqan runata chejnikojkunaqa castigasqa kanqanku. 22Tata Diosqa Paypa kamachisninta salvan. Paypi atienekojkunaqa mana juchachasqachu kanqanku.

will be added

X\