SALMOS 32

1Kusiyniyojmin runaqa, sajra ruwasqasnin pampachasqa kajtin, tukuy juchasnin pakaykusqa kajtin. 2Kusikuyniyojmin runaqa, juchanmanta Tata Dios mana juchachajtin, pipichus mana llullakuy kanchu, chayqa. 3Juchayta manaraj willakushajteyqa, tukuy cuerpoy llawch'iyarqa p'unchaynintin waqasqaypi. 4Tuta p'unchay makiykeqa astawan astawan ñak'arichiwarqa. Q'oñi tiempopi qawisqa qhora jina kallpay pisiyawarqa. 5Chantá mana imatapis pakaspa, tukuy juchayta, sajra ruwasqaytawan willakorqayki. Nerqani juchasniyta willakusunayta, willakusojtiytaj Tata Dios, Qan perdonawarqanki. 6Chayrayku, llakisqa kaspa, qhatisojkuna Qanmanta mañakonqanku. Sinch'i mayu yakus wasarejtimpis, mana paykunakama chayanqachu. 7Qan pakakunay kanki. Mana allin kajmanta jark'akuwanki; kacharichina takinaswan muyuykuwanki. 8Tata Diosqa nin: Ñawisneyqa Qanllapi kashan, yachachisqayki, yuyaychasqaykitaj mayqen ñantachus rinaykita. 9Ama caballo jinaqa, chayrí mula jinaqa kaychu mana entiendey atejqa. Chaykunataqa sayachina tiyan frenowan, reatawantaj. Jinallaqa Qanmampis mana chimpamusonqankuchu. 10Sajra runasqa ashkha nanaykunayoj kanqanku. Chaywampis Diospi atienekojkunataqa munakuynin muyuykonqa. 11K'acha runas, Tata Diospi kusikuychej, kusikuywantaj qhapariychej, allin yuyayniyojkuna.

will be added

X\