SALMOS 3

1Tata Dios, enemigosneyqa ashkha kanku, ashkhallataj kanku contraypi churakojkunapis. 2Ashkhas noqamanta nishanku: Diosqa mana payta salvanmanchu, nispa. 3Qan Tata Dios, muyuyniypi jark'akuwaj kanki. Qanqa kusikuyniy kanki, sonqoyta qhallallarichejtaj. 4Noqaqa qhaparikuspa Tata Diosmanta mañakuni, Paytaj santo orqonmanta uyarimuwan. 5Siriykuspa puñuni, chantá rijch'arillanitaj, imaraykuchus Tata Diosmin waqaychawan. 6Mana manchachikunichu chay chhika runasta, contraypi tukuynejmanta muyuykamuwajkunata. 7Sayarikuy, Tata Dios. Diosníy, salvaway. Qanqa contrariosniyta jinch'anki, sajra runaspa kirusninkutataj muchhaykunki. 8Salvacionqa Tata Diosmanta jamun. Bendeciy ari aylluykitaqa.

will be added

X\