SALMOS 29

1Tata Diosta yupaychaychej, janaj pachapi tukuy kajkuna. Tata Diospa atiynintawan, jatun kaynintawan jatunchaychej. 2Tata Diospa jatun kayninman jina astawan Payta jatunchaychej; Tata Diosta yupaychaychej moq'ena may k'acha santo kaynimpi. 3Tata Diospa parlasqan mama qocha patapi uyarikun. Jatun Atiyniyoj Diosqa qhon qhon jina uyarichikun. Tata Diosqa mama qocha patapi kashan. 4Tata Diospa parlaynenqa manchay sinch'i; Paypa parlaynenqa may jina atiyniyoj. 5Tata Diospa parlasqanqa cedro sach'asta k'ajllan. Tata Diosqa Líbano cedro sach'asta k'ajllaran. 6Sirión Orqota, Líbano orqostawan Tata Dios kharkatichin; torosta jina, torillosta jinataj phinkiykachachin. 7Tata Diospa parlasqanqa nina larwayta t'akarimun. 8Tata Diospa parlasqan ch'in pampasta kharkatichin. Tata Diosqa Cades ch'in pampata kharkatichin. 9Tata Diospa parlasqanqa encinas sach'asta thalan; montetaqa mana sach'ayojta saqerparin. Yupaychana wasimpitaj Payta tukuy jatunchanku. 10Tata Diosqa kamachina tiyanampi tiyasqa kashan, sinch'i para patapi. 11Tata Diosqa ayllunman kallpata qonqa. Tata Diosqa allin kawsaywan ayllunta bendecin.

will be added

X\