SALMOS 28

1Jark'awaj Tata Dios, Qanta qhaparikamuyki. Amapuni mana uyarejqa tukuychu. Mana uyariwaj tukuwaj chayqa, wañusqaswan tantakapuyman. 2Yanapayniykita mañakuspa qhaparikusqayta uyariway, makisniyta Temploykipi aswan santo cheqaman oqharejtiy. 3Ama sajraswan khuskataqa qhatatiwaychu, nitaj millayta ruwajkunatawampis. Qhawarisqaqa misk'i simis kanku, sonqonkupitajrí sajra kanku. 4Sajrata ruwasqankuman jina paykunata castigay, imatachus ruwasqankuman jinataj qopuy. 5Tata Diospa ruwasqasninta mana reparayta munarqankuchu. Chayrayku paykunata Tata Diosllataj urmachenqa, manataj ujtawan sayarichenqachu. 6Tata Diosqa yupaychasqa kachun, mañakusqasniyta uyariwasqanrayku. 7Tata Diosmin sinch'i jark'akuwajneyqa. Paypi atienekorqani, Paytaj yanapawarqa. Chayrayku sonqoy kusisqa kashan; agradecekuspa, Tata Diosman takisaj. 8Tata Diosqa ayllunman kallpata qon. Payqa ajllakusqan reyta kallpachan, waqaychantaj. 9Tata Dios, aylluykita salvay, Qampata kajkunata bendeciy. Ovejasta jina michiy, wiñaypajtaj ichurikuspa apaykachay.

will be added

X\