SALMOS 26

1Tata Dios, justiciata ruwaway ari, allin kawsaypi purisqayrayku. Mana iskayrayaspa Tata Diospi atienekuni. 2Allin allinta qhawaway, maychus kasqayta yachaway sonqoy ukhupi yuyasqasniyta. 3Noqaqa munakuyniykipi yuyallanipuni, cheqa kaynillaykipipuni purini. 4Llulla runaswan ni jayk'aj kawsakorqanichu, nitaj puraj uyaswanqa tantakorqanichu. 5Sajraspa tantakusqankutaqa chejnikuni. Ni jayk'aj kawsakorqanichu Diosta mana manchachikojkunawanqa. 6Tata Dios, altarniykiman qayllaykuyta munani, makisniy tukuy juchamanta mayllasqa. 7Yupaychasuspa takiyta munani, tukuy sumaj ruwasqasniykimanta willanaypaj. 8Tata Dios, wasiykita noqa munakuni, maypichus jatun kayniyki k'anchashan, chayta. 9Juchasapastawan khuskataqa ama waƱuchiwaychu, runa waƱuchistawan khuskatapis ama castigawaychu. 10Paykunaj makisninkoqa junt'a kashan sajra kaywan, lluk'iywan. 11Chaywampis, kawsayneyqa ni pej ima ninan; salvaway, khuyakuytaj noqamanta. 12Sumaj pampapi sinch'ita sayashani; jatun tantakuykunapi Tata Diosta yupaychasaj.

will be added

X\