1 Tukuy kay pachaqa Tata Diospata, tukuy ima chaypi kajpis; tukuy kay pachaqa Paypatapuni, tukuy ima chaypi kajkunapis. 2 Tata Diosqa kay pachata sayacherqa mama qocha patapi, mayus patapi ima. 3 Pitaj Tata Diospa orqonman wichariyta atinmanri? Pitaj Tata Diospa Templompi kayta atinmanri? 4 Kay jina runalla Tata Diospa Templompi kayta atin: Llimphu kawsayniyoj kaj, llimphu sonqoyoj kaj, pichus qhasi dioskunata mana yupaychaj, nitaj llullakuspa, juraj, chay. 5 Chay runataqa Tata Dios bendecenqa, salvaj Diosnintaj cheqan runapaj payta qhawanqa. 6 Ajina kanku Tata Diosta mask'ajkunaqa, Jacobpa Diosnimpa ñawpaqempi kayta munajkunaqa. 7 Kicharikuychej jatun punkus. Sumaj kichasqa kaychej, wiñay punkus, atiyniyoj Rey yaykumunampaj. 8 Pitaj chay atiyniyoj Reyri? Wapu, sinch'i kallpayoj kaj Tata Dios, wañuchinaku maqanakupi atipaj Tata Dios. 9 Kicharikuychej jatun punkus. Sumaj kichasqa kaychej, wiñay punkus, atiyniyoj Rey yaykumunampaj. 10 Pitaj chay atiyniyoj Reyri? Tukuy Atiyniyoj Tata Dios. Paymin jatun Reyqa.
