SALMOS 20

1Tata Dios uyarisuchun, phutiypi kajtiyki. Kikin Jacobpa Diosnin jark'akusuchun. 2Yanapata kachamusuchun Diospaj t'aqasqa wasimantapacha, Sionmantapachataj kallpachasuchun. 3Yuyarikuchun tukuy jaywasqasniykimanta, tukuy sonqotaj jap'ichun altarpi uywa wañuchisqasta q'olachisqasniykita. 4Sonqoykej tukuy munasqanta junt'achun, tukuy yuyasqasniykitapis ruwachun. 5Atipasqaykimanta kusikusunchej; wiphalata oqharisunchej Diosninchejpa sutimpi. Tata Diostaj junt'achun tukuy mañakusqaykita. 6Noqa yachani Tata Diosqa ajllakusqan reyta yanapananta atipanampaj. Janaj pacha santo cheqamanta mañakusqanman kutichenqa kacharichej jatun atiyninwan. 7Ujkunaqa wañuchinaku maqanakupaj carretasninkupi atienekunku, wajkunataj caballosninkupi. Noqanchejrí Señorninchej Tata Diospi atienekusunchej. 8Paykuna llawch'iyaspa, urmanku; noqanchejrí sinch'illatapuni sayanchej. 9Tata Dios, reyniykuta yanapay atipanampaj; wajyakusojtiykupis, uyariwayku.

will be added

X\