SALMOS 15

1Tata Dios, pitaj wasiykipi tiyakuyta atinman? Pitaj santo orqoykipi tiyakuyta atinman? 2Chaypi tiyakuyta atin llimphu kawsayniyoj kajlla, cheqan kajta ruwaj, mana llullakuspa cheqa kajta parlaj; 3mana pimantapis sajrata parlaj, kawsaqenta mana wasanchaj, runa masinta qhasimanta mana ch'ataykoj. 4Chaypi tiyakuyta atin pichus sajrata ruwaj runata chejnej, pichus Tata Diosta manchachikoj runatataj jatunchaj. Payqa mana allin rejtimpis, imatachus nisqanta junt'an. 5Payqa qolqenta manun mana interesniyojta, nitaj lluk'iyta jap'ikunchu llimphu sonqoyojpa contrampi. Chay jinata ruwaj runaqa ni jayk'aj urmanqachu.

will be added

X\