SALMOS 148

1Tata Diosqa jatunchasqa kachun. Tata Diosta cielomantapacha jatunchaychej; Tata Diosta janaj pachapi jatunchaychej. 2Qankuna tukuy angelesnin, Payta jatunchaychej. Janaj pacha soldados, tukuy qankuna Payta jatunchaychej. 3Intipis, killapis, yupaychaychej; Lliphipej ch'askaspis Payta jatunchallaychejtaj. 4Payta jatunchaychej qankuna cielos, chay patapi kaj yakuspis. 5Tata Diospa sutinta jatunchaychej, imaraykuchus Pay kamachejtillan, tukuy ima ruwakorqa. 6Payqa tukuy imasta maychus kananman churarqa wiƱaypa wiƱaynimpaj. Chaykunapajtaj uj kamachisqata qorqa mana p'akiy atinata. 7Jallp'a patamantapacha Tata Diosta jatunchaychej mama qocha, ukhu mama qochapi tukuy chhikachachaj manchana kajkunapis; 8rayo, granizo, rit'i, phuyupis, kamachisqasninta junt'aj sinch'i wayrapis; 9lomas, orqos, poqoj sach'as, cedros; 10tukuy uywas, k'ita animales ima, qhatatakoj animales, tukuy lijrayojkuna ima, tukuypuni Tata Diosta jatunchaychej. 11Diosta jatunchaychej kay pacha reyes, tukuy ayllus ima, kay pachapi kamachejkuna, kurajkuna ima. 12Qharis, warmis, waynakuna, sipaskuna, machu runas ima Diosta jatunchaychej. 13Tata Diospa sutinta tukuy jatunchachunku, Paypallata sutin jatun kasqanrayku. Paypa jatun kaynenqa jallp'a patapi kashan, jinallataj cielo patapipis. 14Payqa ayllumpa atiyninta jatunchan. Tukuy Paypi creejkuna Payta jatunchachunku, munasqa qaylla ayllun israelitas. Tata Diosqa jatunchasqa kachun.

will be added

X\