SALMOS 146

1Tata Diosqa jatunchasqa kachun. Tukuy sonqoywan Tata Diosta jatunchasaj. 2Kawsanaykama Tata Diosta jatunchasaj. Kanaykamaqa Diosniyman takisaj. 3Kamachej runaspeqa ama atienekuychejchu; ama atienekuychejchu runasllapi, pikunachus mana salvayta atejkunapi. 4Samayninku tukukun, jallp'amantaj tukupunku; chaypacha yuyayninkupi tukuy wakichikusqanku chinkapun. 5Kusikuyniyojmin pitachus Jacobpa Diosnin yanapan, chay, pichus Señornin Tata Diospi suyakojqa. 6Payqa ruwarqa cielota, kay pachatapis, mama qochata, tukuy chaypi kajkunatawan. Payqa nisqanta junt'ampuni. 7Justiciata ruwan sinch'i llakichisqasman; yarqhasqa kajkunaman mikhuchin; carcelpi kajkunatapis kacharichillantaj. 8Tata Diosqa ciegosta qhawarichin, urmasqastataj sayarichin. Tata Diosqa cheqan runasta munakun. 9Tata Diosqa forasterosta waqaychan. Yanapantaj viudasta, wajcha wawastapis. Sajra runastarí ñanninkupi musphachin. 10Sión, Tata Diosqa wiñaypaj kamachenqa; Diosniykeqa wiñay wiñaypaj kamachenqa. Tata Diosqa jatunchasqa kachun.

will be added

X\