1 Jatunmanta qhaparispa, Tata Diosmanta khuyakuyninta mañakuni. 2 Ñawpaqempi phutiyniyta willakuni; ñawpaqempi llakiyniyta sut'inchakuni. 3 Ancha llakisqapuni kashajtiy, Tata Dios, Qan ñankunayta rejsinki; ima ñantachus purishani, chaypi urmanaypaj uj tojllata churawanku. 4 Paña ladoman kutirikojtiy, mana pipis yanapawaj jamojqa kanchu, nitaj pipis kutikuwajqa kanchu. Mana pipis noqata qhawariwajqa kanchu. 5 Qanman qhaparikamuyki, Tata Dios, niykitaj: Qanmin pakakunay kanki; kay kawsaypi tukuy kapuyneyqa Qanlla kanki. 6 Qhaparikamususqayta allinta uyariway, imaraykuchus may ñak'ariypi kashani. Chejnikuspa qhatiykachawajkunamanta libraway, imaraykuchus noqamanta nisqaqa aswan kallpayoj kanku. 7 Preso kasqaymanta kacharichiway, noqa Qanta agradecenasuypaj. Cheqan sonqoyoj runas muyuykuwanqanku, allimpi Qan jap'iwajtiyki.
