SALMOS 141

1Tata Dios, Qanta qhaparikamusojtiy, usqhayllata jamuy; wajyakusojtiy, uyariway. 2Mañakususqayqa ñawpaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta q'olachisqa jaywana jina kachun. 3Tata Dios, llaveta simiyman churaway; ama saqeychu simiy sajrata parlananta. 4Yuyayniymanta sajra imasta karunchay. Ama saqewaychu sajra imasta ruwajta, nitaj saqewaychu millayta ruwajkunawan fiestasninkupi ujchakojta. 5Cheqan runaj jasut'iwasqanqa allimpaj kanqa; k'amiwasqanqa k'acha q'apaj jampi jina kanqa. Chaytaqa mana qhesachanichu. Chaywampis Diosmanta mañakusqayqa millay runaspa sajra ruwasqasninkoj contrantapuni kanqa. 6Juezkunanku qaqaman tanqaykusqa kanqanku; chaypacha yachanqanku parlasqayqa cheqan kasqanta. 7Paykuna nenqanku: Llank'aspa jallp'ata phatachinchej, ajinata tullusninchej aya p'ampanaj punkumpi qhallisqa kanqa, nispa. 8Señor Tata Dios, ñawisneyqa Qan qhawarisqa kanku. Qampi atienekuni, amataj saqerpariwaychu. 9Urmanaypaj tojllata churasqankumanta jark'akuway. Sajrata ruwajkunaj ch'ipanmanta libraway. 10Sajra runasqa kikin tojlla churasqallankupitaj ujllapi urmachunku, noqatajrí ñawpajllamampuni risaj.

will be added

X\