SALMOS 140

1Tata Dios, sajra runasmanta libraway; kallpanman atienekuspa maqaj runamanta jark'away, sajra ruwayllatapuni yuyajkunamanta, sapa p'unchaytaj ch'ajwata mask'ajkunamantapis libraway. 3Paykunaqa katari jina qallunkuta sik'imunku, parlasqankutaj nina katarej venenon jina. 4Tata Dios, jark'away sajra runaspa makinkumanta; libraway kallpankuman atienekuspa maqanakoj runasmanta, pikunachus misk'anata noqapaj wakichinku, chaykunamanta. 5May kasqankuta yuyakoj runasqa tojllata wakichipuwanku; ch'ipasta, lazostawan ñanniyman churanku urmachinawankupaj. 6Noqaqa Tata Diosman nini: Qanmin Diosniy kanki; qhaparispa mañakususqayta, uyarillaway, Tata Dios. 7Señor Tata Diosníy, Qanmin kanki tukuy atiyniyoj salvawajqa. Wañuchinaku maqanaku p'unchaypi umayta Qan waqaychanki. 8Tata Dios, ama qoychu sajra runasman mañakusqankutaqa; paykunaj yuyasqanku junt'akunantaqa ama saqeychu, jatunchakuspa umankuta ama oqharinankupaj. 9Muyuykuwajkunamanqa contraypi sajra parlasqallankutaj chayachun. 10Paykunaj patankuman nina brasas urmachun; ukhu t'oqoman wijch'uykusqa kachunku, maymantachus ni jayk'aj llojsimuyta atenqankuchu, chayman. 11Parlaspa phiñanachej runaqa ama kay pachapi sayachunchu; kallpanman atienekuspa runa maqajtaqa mana allin imas qhatirichun, chinkachichuntaj. 12Noqa yachani Tata Diosqa ñak'arichisqa runaspaj justiciata ruwasqanta, pisichikoj runasmantaj kutikusqanta. 13Cheqan runasqa sutiykita yupaychanqanku, cheqan kawsayniyojkunataj ñawpaqeykipi kawsanqanku.

will be added

X\