SALMOS 14

1Wampoqa sonqompi nin: Mana Dios kanchu, nispa. Tukuy sajra kawsayman qokunku, may millaykunatataj ruwanku. Mana kanchu pipis allinta ruwajqa. 2Janaj pachamantapacha Tata Diosqa runasta qhawamun, ujllatapis sumaj yuyayniyoj, Diosta mask'aj runata rikuyta munaspa. 3Tukuytaj sajra ñanta jap'irinku, tukuy runas sajra kawsayman qokunku; mana pipis allinta ruwaj kanchu, ni ujsitullapis. 4Sajra runasqa mana yuyayniyoj kanku. Paykunaqa aylluyta t'antata jina mikhukapunku. Tata Diospa sutintaqa mana oqharillankupischu. 5Paykuna manchachikuspa, kharkatenqanku, imaraykuchus Diosqa cheqan runaswan kashan. 6Sajra runasqa wajcha runas imatachus munasqankumanta asikunku. Tata Diosrí wajcha runasta jark'akun. 7Sión llajtamanta Israelpaj salvacionqa chayamuchun. Maypachachus Tata Dios wawasninta ñawpa allin kawsayninkuman kutiykuchin chaypacha, Jacobpa mirayninmanta kajkuna israelitas tukuyninku kusikonqanku.

will be added

X\