SALMOS 138

1Tata Dios, tukuy sonqoywan graciasta qosqayki, dioskunaj ñawpaqempitaj Qanman takisqayki. 2Santo wasiykej ñawpaqempi qonqorikuspa, khuyakuyniykimanta, cheqa kayniykimantawan graciasta qosqayki, imaraykuchus sutiykita, Simi Nisqaykitawan tukuy imasmanta astawan pataman churarqanki. 3Wajyakushajteyqa, uyariwarqanki, kallpaykiwantaj kallpachawarqanki. 4Tata Dios, kay pachapi kaj chhika reyes jatunchasonqanku, nisqasniykita uyarisqankurayku. 5Tata Diospa ñankunanmanta takenqanku, imaraykuchus Tata Diospa jatun kaynimpa k'anchaynenqa jatunmin. 6Aswan patapipis Tata Diosqa kachun, llamp'u sonqosta qhawamumpuni, may kasqankuta yuyakoj runastatajrí karullamanta rejsimun. 7Llakiy chawpipi rikukojtiy, Qan kawsayta qollawankipuni; jinallataj atiyniykiwan salvawanki, enemigosniypa phiñakuyninkumantapis. 8Tata Diosqa noqarayku imatachus ruwayta munasqanta junt'anqa. Tata Dios, khuyakuyniykeqa wiñaypajmin; ama makisniykej ruwasqantaqa saqerpariychu.

will be added

X\