SALMOS 137

1Babilonia mayus qayllapi tiyaykuytawan, Sionmanta yuyarikuspa waqaj kayku. 2Chaypi kaj sauce sach'asman arpasniykuta warkhoj kayku. 3Mayqenkunachus presosta apawarqayku, mayqenkunachus tukuy imaykuta qhechuwarqayku, chaykunaqa niwarqayku kusiy takiykunata takinaykuta: Sionpi takej kankichej, chay takiykunata takiripuwayku, nispa. 4Imaynatataj runaj llajtampi Tata Diospa takiyninkunata takisqaykuri? 5Jerusalén, qanmantachus qonqapuyman chayqa, paña makiy ch'akipuchun. 6Simiypi qalloyqa pataman k'askaykuchun qanmanta mana yuyarikuyman chayqa, manachus tukuy imamanta astawan Jerusalenmanta kusikuyman chayqa. 7Tata Dios, yuyarikuy edomitasmanta. Paykunaqa Jerusalén urmashajtin nerqanku: Thuñiychej, thuñiychej cimientosninkama, nispa. 8Babilonia qanqa thuñisqapuni kanki; kusikuyniyojmin kanqa pichus qanta urmachisojqa, imaynatachus qan ruwawasqaykuman jina. 9Kusikuyniyojmin kanqa pichus wawasniykita jap'ispa, uj chhankaman ch'allpajqa.

will be added

X\