1 Tata Diosman graciasta qoychej, k'acha kasqanrayku, imaraykuchus khuyakuynenqa wiñaypaj. 2 Graciasta qoychej dioskunaj Diosninman, imaraykuchus khuyakuynenqa wiñaypaj. 3 Graciasta qoychej señorkunaj Señorninman, imaraykuchus khuyakuynenqa wiñaypaj. 4 Graciasta qoychej Pay k'ata t'ukuna imasta ruwajman, imaraykuchus khuyakuynenqa wiñaypaj. 5 Graciasta qoychej sumaj yachaywan cielosta ruwajman, imaraykuchus khuyakuynenqa wiñaypaj. 6 Graciasta qoychej yaku patapi jallp'ata qhatanata jina aysajman, imaraykuchus khuyakuynenqa wiñaypaj. 7 Graciasta qoychej intita, killatapis ruwajman, imaraykuchus khuyakuynenqa wiñaypaj. 8 Graciasta qoychej intita p'unchaypi k'anchanampaj ruwajman, imaraykuchus khuyakuynenqa wiñaypaj. 9 Graciasta qoychej killatawan, ch'askastawan, tuta k'anchanankupaj ruwajman, imaraykuchus khuyakuynenqa wiñaypaj. 10 Graciasta qoychej tukuy egipciospa kuraj kaj churisninkuta wañuchejman, imaraykuchus khuyakuynenqa wiñaypaj. 11 Graciasta qoychej Egiptomanta israelitasta orqhojman, imaraykuchus khuyakuynenqa wiñaypaj. 12 Graciasta qoychej atiyniyoj makinta aysarejman, imaraykuchus khuyakuynenqa wiñaypaj. 13 Graciasta qoychej Puka Qocha nisqata iskayman khallajman, imaraykuchus khuyakuynenqa wiñaypaj. 14 Graciasta qoychej chay qocha chawpinta Israel nacionta chimpachejman, imaraykuchus khuyakuynenqa wiñaypaj. 15 Graciasta qoychej Faraonta, soldadosnintawan Puka Qocha nisqapi p'ultiykojman, imaraykuchus khuyakuynenqa wiñaypaj. 16 Graciasta qoychej ch'in pampanejta ayllunta pusajman, imaraykuchus khuyakuynenqa wiñaypaj. 17 Graciasta qoychej mentasqa reyesta atipajman, imaraykuchus khuyakuynenqa wiñaypaj. 18 Graciasta qoychej atiyniyoj reyesta wañuchejman, imaraykuchus khuyakuynenqa wiñaypaj. 19 Graciasta qoychej amorreospa reyninku Sehonta wañuchejman, imaraykuchus khuyakuynenqa wiñaypaj. 20 Graciasta qoychej Basán naciompa reynin Ogta wañuchejman, imaraykuchus khuyakuynenqa wiñaypaj. 21 Graciasta qoychej chay reyespa jallp'asninkuta ayllunman rak'irajman, imaraykuchus khuyakuynenqa wiñaypaj. 22 Graciasta qoychej Israel kamachinman herenciata jina jallp'ankuta qopojman, imaraykuchus khuyakuynenqa wiñaypaj. 23 Graciasta qoychej k'umuykuchisqa kashajtinchej noqanchejmanta yuyarikojman, imaraykuchus khuyakuynenqa wiñaypaj. 24 Graciasta qoychej enemigosninchejmanta librawajninchejman, imaraykuchus khuyakuynenqa wiñaypaj. 25 Graciasta qoychej runasman, uywasmampis mikhuchejman, imaraykuchus khuyakuynenqa wiñaypaj. 26 Janaj pachapi kaj Diosman graciasta qoychej, imaraykuchus khuyakuynenqa wiñaypaj.
