1 Kusikuyniyojmin kanku Diosta tukuy manchachikojkuna, pikunachus kamachisqasninta ruwajkunaqa. 2 Llank'aspa poqochisqaykimanta mikhunki; tukuy imapi allin risonqa, kusisqataj kanki. 3 Wasiykipi warmiykeqa ashkha poqoyniyoj uva sach'a jina kanqa. Mikhuna ratopi qanwan khuska wawasniyki muyuylla tiyaykonqanku, ijisniyoj olivo sach'a jina. 4 Ajinata Tata Diosqa Payta manchachikoj runata bendecenqa. 5 Tata Diosqa Sionmantapacha bendecimusuchun, Jerusalenpa allin kayninta rikunaykipaj, sapa p'unchay, kawsayniyki tukukunankama. 6 Allchhisniykitapis rikullankitaj. Israel ayllupi allin kawsayllapuni kachun.
