SALMOS 126

1Maypachachus Tata Diosqa Sionpi tiyakojkunamanta presos apasqa kajkunata kutichimporqa chaypacha, noqaykupajqa mosqokushaykumampis jinalla karqa. 2Chaypacha noqaykoqa jatunmanta asikorqayku, kusiywantaj jatunmanta takerqayku. Chaypacha chay waj naciones nerqanku: Tata Diosqa paykunapaj jatuchaj imasta ruwasqa, nispa. 3Arí, Tata Diosqa noqaykurayku jatuchaj imasta ruwarqa, noqaykutaj mayta kusikuyku. 4Tata Dios, ñawpajpi kawsakorqayku, chay jina allin kawsayman ujtawan kutirichiwayku, imaynatachus Néguev nisqa ch'aki pampapis parawan kutirin, jinata. 5Waqaspa tarpojkunaqa kusiywan cosechata oqharenqanku. 6Pichus waqan waqan apan mujuta tarpunampaj chaypis, chaymin kusiywan takirikuspa kutimullanqataj trigo gavillasnin marq'arisqa.

will be added

X\