SALMOS 12

1Salvawayku Tata Dios, imaraykuchus kaypeqa manaña kanchu cheqanta ruwajqa, nillataj kanñachu ch'uwa sonqoyoj runas. 2Paykunapura llullanakunku; mana kajta ch'awkiyanakunku, puraj uyastaj kanku. 3Tata Diosqa chinkachichun tukuy puraj uyasta, jatunchakuspa parlajkunatawan. 4Chinkachillachuntaj kay jina nejkunata: Simillanchejwanqa tukuy imata atipasun. Siminchejqa noqanchejpata. Pitaj ch'inyachiwasunmanri? nispa. 5Tata Diosqa kay jinata nin: Pisi kallpayojkuna sarusqa kanku, chayraykutaj waqanku. Kunanqa Noqa jatarikuspa, ñak'arichisqa kajkunata yanapasaj chay suyakusqankuman jina. 6Tata Diospa nisqasnenqa ch'uwa, llimphuchasqa qolqe jina, mayqenchus qanchis kutita ninapi ch'uwachasqa jina. 7Qanqa Tata Dios, qhawawasqaykupuni, waqaychawasqaykutaj chay jina runasmanta. 8Sajra runasqa tukuynejta purillanku, tukuy runas sajra kajta allimpaj qhawajtinku.

will be added

X\