SALMOS 116

1Tata Diosta munakuni, mañarikusqayta uyariwasqanrayku. 2Payqa mañakusqayta uyariwampuni. Chayraykutaj tukuy kawsayniypi Payllatapuni wajyakusaj. 3Wañoyqa lazosninwan ch'ipaykuwarqa, wañuy llakiytaj taripawarqa. Ujllata mancharisqa, llakisqataj rikhurerqani. 4Chantá, Tata Diosta wajyakorqani: Tata Dios, mañakuyki kawsayniyta salvanawaykita, nispa. 5Tata Diosqa cheqampuni, khuyakojtaj; Diosninchejqa wawa sonqoyoj. 6Tata Diosqa llamp'u sonqoyojkunata waqaychan. Noqa mana kallpayoj kashajtiy, salvawarqa. 7Kunanqa watejmanta sonqoyqa samarikonqa, imaraykuchus Tata Diosqa noqawan k'acha karqa. 8Tata Dios, Qanqa wañuymanta almayta kacharicherqanki, ñawisniyta waqanamanta, chakisniyta misk'anamantawan. 9Noqaqa Tata Diospa ñawpaqempi purisaj kay pachapi kawsajkunaj chawpinkupi. 10Noqa creerqanipuni: May jina llakisqa kashani, nishaspapis. 11Mana imanayta atispa, nillarqanitaj: Tukuy runasqa llullas kanku, nispa. 12Imawantaj Tata Diosman junt'asaj tukuy allin imasta ruwapuwasqanmantari? 13Salvación qeruta oqharisaj, Tata Diospa sutintataj oqharisaj Diosniypaj rejsikapusqayrayku. 14Imatachus ruwanayta Tata Diosman nisqayta kunanqa junt'apusaj, tukuy ayllumpa ñawpaqempi. 15Tata Diospa ñawpaqempeqa Payta munakojkunaj wañuyninkoqa may jatumpaj qhawasqa. 16Tata Dios, noqa kamachiyki kani, warmi kamachiykej wawan kani. Qanmin watawasqanku lasosta phaskarawanki. 17Agradecekuna jaywanata jaywasqayki, Tata Diospa sutinta oqharispa Diosniypaj rejsikapusqayrayku. 18Imatachus ruwanayta Tata Diosman nisqayta kunanqa junt'apusaj, tukuy ayllumpa ñawpaqempi, 19Tata Diospa wasimpa patiosnimpi, qampa chawpiykipi, Jerusalén. Tata Diosqa jatunchasqa kachun.

will be added

X\