SALMOS 114

1Maypachachus Jacobpa miraynin Israelqa chay karu nación Egiptomanta llojserqa chaypacha, 2Judá jallp'aqa Tata Diospa santo wasinman tukorqa, Israeltaj paypa kamachinanman tukorqa. 3Jatun Qochaqa Israelta rikuspa, ayqerqa; Jordán Mayupis qhepaman kutirillarqataj. 4Orqosqa carnero jina phinkiykacharqanku. Lomasqa oveja uñas jina sink'uykacharqanku. 5Imajtintaj qan, Jatun Qocha, ayqerqankiri? Imajtintaj qan, Jordán Mayu, qhepaman kutirerqankiri? 6Imajtintaj qankuna orqos, carneros jina phinkiykacharqankichejri? Imajtintaj qankuna lomaspis, oveja uñas jina sink'uykacharqankichejri? 7Qan, jallp'a, kharkatitiy, Jacobpa Diosnin Tata Diospa ñawpaqempi. 8Payqa chhankata yaku qochasman tukuchin; chuki rumistapis juturisman tukuchillantaj.

will be added

X\