SALMOS 112

1Tata Diosqa jatunchasqa kachun. Kusikuyniyojmin Tata Diosta manchachikoj runaqa, kamachisqasninwantaj misk'irichikoj runaqa. 2Paypa miraynenqa kay pachapi sumaj sayachisqa kanqa. Cheqan miraynenqa bendecisqa kanqa. 3Wasimpi payqa tukuy imasniyoj; cheqan kaynenqa mana tukukuyniyojmin. 4Laqhayaypi uj k'anchay lliphipin cheqan sonqoyojkunapaj. Payqa khuyakoj, cheqan sonqoyoj, wawa sonqotaj. 5Allin sonqoyoj runaqa mana mich'akuspa, wajman mañarin; tukuy imasnintapis allin yuyaywan ñawpajman apan. 6Chayrayku, ni jayk'aj urmanqachu. Cheqan sonqoyoj runaqa wiñaypaj yuyarisqapuni kanqa. 7Mana allin kaj willaykunamantaqa mana manchachikunchu; tukuy sonqonwan Tata Diospi atienekuspa, sinch'ita sayan. 8Sonqonqa sinch'ita sayan, manataj manchachikunchu, enemigosninta atipasqata rikunankama. 9Wajchasman mana mich'akuspa kapuyninmanta jaywarin; cheqan kaynenqa wiñaypaj kakullampuni. Allin runa kasqanqa pataman oqharisqa kanqa. 10Juchasaparí chayta rikuspa, phiñarikonqa; mana imanayta atisqanrayku, kirusninta k'arurakuspa tukukonqa. Jinapi sajra runaspa suyakusqankoqa tukukonqa.

will be added

X\