PROVERBIOS 14

1Yachayniyoj warmeqa familianta pataman oqharin; wampu warmirí makisnillanwantaj paykunata pierdechin. 2Cheqanta kawsajqa Tata Diosta manchachikun, mana allinta kawsajrí Tata Diosta pisipaj qhawan. 3Wampoqa parlasqanwan seq'ochikuyllata tarikun; yachayniyojpa parlasqanrí chaymanta payta waqaychan. 4Bueyes mana kajtenqa, pirwapi trigo mana kanchu; bueyespa kallpanwanrí cosechaqa ashkha. 5Cheqa testigoqa mana llullakunchu; llulla testigorí llullallata parlan. 6Alqochakoj runaqa yachayta mask'an, manataj tarinchu; yachayniyoj runarí imatapis yachaqakullan. 7Wampu runamanta t'aqakuy, imaraykuchus paypa siminmantaqa mana ima yachaytapis jap'iwajchu. 8Yachayniyoj runaqa yachayninnejta reparan imaynatachus kawsananta; wampu runarí wampu kaynillanwantaj ch'awkiyachikun. 9Wampusqa juchamanta asikunku, cheqan runaspa ukhunkupirí allin sonqo tiyan. 10Runaqa sonqompa llakiykunanta rejsin, manataj mana rejsisqanmanqa kusiyninta sut'inchanchu. 11Sajra runaspa wasinkoqa urmachisqa kanqa, cheqan runaspa ch'ujllankurí sayallanqapuni. 12Runapajqa uj ñan tiyan, mayqentachus yuyan allin kasqanta, chay ñampa tukukuynimpirí wañuylla tiyan. 13Runaqa asishaspapis, sonqonta nanachikuyta atin; kusikuypis llakiyman tukuyta atin. 14Cheqan ñanmanta t'aqakoj runaqa imaynatachus purisqanwan amichikun; allin runarí ruwasqasninwan kusikonqa. 15Uj wampu runaqa pejpa nisqantapis jap'ikullan; yuyayniyoj runarí allintaraj qhawakun maynintachus rinanta. 16Yachayniyojqa sajra kajta manchachikun, chaymantataj t'aqakun; wampurí may kasqanta yuyakuspa, ni imamanta dakunchu. 17Usqhayllata phiñarparikojqa ima sonseratapis ruwarparillan, sajra runataj chejnisqa kanqa. 18Mana yuyayniyojkunaj herenciankoqa wampu kaymin; yuyayniyojkunarí yachaywan pilluchasqa kanqanku. 19Sajra runasqa allin runasman k'umuykonqanku; Diosta mana kasoj runaspis cheqan runaj wasin punkupi k'umuykullanqankutaj. 20Wajcha runataqa kawsaqesnimpis chejninku, qhapaj runatarí tukuy munakunku. 21Pichus runa masinta pisipaj qhawajqa juchallikun; wajchasta khuyajrí kusikuyniyojmin. 22Sajra ruwayta wakichejqa pantan, allin kajta ruwajkunatajrí cheqan kajta, khuyakuytataj tarenqanku. 23Tukuy sonqo trabajasqamantaqa ashkhata ganakunchej; parlallanchej imatapis chayrí, wajchayaylla jamun. 24Yachayniyoj runaj qhapaj kaynenqa paypaj pillu jina; wampu runaj wampuykachasqanrí qhasi manakajlla. 25Mana llullakoj testigoqa wajkunaj kawsaynintapis libran; llulla testigorí manakajta parlan. 26Tata Diosta manchachikojpajqa mana iskayrayay kanchu. Wawasnimpis chaypi sumaj waqaychasqa kanqanku. 27Tata Diosta manchachikoyqa kawsaypa juturin, wañuypa tojllanmantataj runata orqhon. 28Reypa jatun kaynenqa ashkha runasniyoj kasqampi yachakun; pisi runasniyojlla kajrí mana imapaj valenchu. 29Pichus mana usqhayta phiñarparikojqa jatun yuyayniyoj. Pichus usqhayta phiñarparikojrí tukuyman rikuchin wampu kasqanta. 30K'acha sonqo kayqa runaj cuerpompaj kawsayta apamun; envidiakuytajrí tullu phunuyta apamun. 31Wajcha runata ñak'arichejqa ruwajnin Diosta pisipaj qhawan. Wajcha runata khuyajrí ruwajnin Diosta jatunchan. 32Juchasapaqa sajra ruwasqallampitaj urman; allin runarí wañuspapis suyakuyniyojraj. 33Allin yuyayniyojpa sonqompi yachayqa kashan; wampu runaspa chawpinkupirí, chayqa mana yachakullampischu. 34Cheqan kawsayqa uj nacionta pataman oqharin; juchapi kawsayrí chay nacionta p'enqaypi qhawachin. 35Sumaj yuyayniyoj kamacheqa reyninwan munachikun; mana allin kaj kamachirí phiñapayachikuyllata tarin.

will be added

X\