1 Moisesqa Dioswan Tinkukuna Toldota ruwayta tukuytawan, chay tukuyta Tata Diospaj t'aqarqa aceitewan jawiraspa, tukuy imasnintawan khuska, jinallataj altarta, altarpa imasnintapis. 2 Chaymantaqa tukuynin israelitasta yupaysejkunapis, sapa ayllumanta kurajkuna chayman rerqanku. 3 Tata Diosmantaj ofrendasninkuta jaywarqanku sojta qhatasqa carretasta, chunka iskayniyoj bueyestawan. Sapa carreta karqa iskay ayllumanta kuraj kamachejkunapaj, sapa uj bueytaj sapa ayllumanta kurajkunapaj. Chay tukuyninta churarqanku Dioswan Tinkukuna Toldoj ñawpaqenman. 4 Chaymantá Tata Diosqa Moisesman nerqa: 5 Chay carretasta, wakastawan jap'ispa, chaykunata levitasman qoy Dioswan Tinkukuna Toldopi imastachus ruwasqasninkumanta apaykachanankupaj, sapa ujninku imastachus ruwasqankuman jina, nispa. 6 Moisesqa carretasta, bueyestawan jap'ispa, chaykunata levitasman rak'erqa. 7 Gersonpa mirayninman iskay carrestasta, iskay yunta bueyestawan qorqa, paykuna ruwanasninkuta ruwanankupaj. 8 Merarijpa mirayninmantaj tawa carretasta, tawa yunta bueyestawan qorqa, paykunaqa ruwanasninkuta ruwanankupaj. Paykunata kamacherqa sacerdote Aaronpa churin Itamar. 9 Coatpa churisninmantajrí mana imatapis qorqachu, ni carretasta, nitaj bueyestapis, imaraykuchus Diospaj t'aqasqa imasta paykunaqa lijraspa apananku karqa. 10 Altarta Tata Diosman t'aqachishajtinkutaj, sapa ayllumanta kurajkuna ofrendasninkuta aparqanku altar k'uchuman. 11 Chaymantataj Moisesman Tata Diosqa nerqa: Sapa p'unchay sapa ayllumanta uj kuraj kaj jamunan tiyan ofrendan oqharisqa, altarqa Tata Diosman t'aqasqa kanampaj, nispa. 12 Ñawpaj kaj p'unchaypi Judá ayllumanta Aminadabpa churin Naasón ofrendan oqharisqa jamorqa. 13 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan Tinkukuna Toldopi peso churasqa kasqanman jina. Iskaynimpitaj junt'a karqa sumajnin kaj ñut'u jak'uwan aceitewan puñasqa, ch'aki mikhuy ofrenda kanampaj. 14 Chantapis qollarqataj qorimanta uj jatun cucharatawan inciensoyojta, chaytaj pesarqa pachaj chunkayoj gramos. 15 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 16 Chantá uj chivotawan apamorqa juchaspa cuentanmanta q'olachisqa kanampaj. 17 Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, phishqa corderosta uj watayojtakama. Chay ofrendasqa karqanku Aminadabpa churin Naasonpata. 18 Iskay kaj p'unchaypi Zuarpa churin Natanael ofrendasninta apamorqa. Payqa kuraj kaj kamachej karqa Isacar ayllumanta. 19 Natanaelpis Naasón kikillantataj ofrendasninta qorqa. Pay qorqa uj qolqe ch'illamita, chaytaj pesarqa waranqa tawa pachaj kinsa chunkayoj gramos; qollarqataj uj qolqe yuruta, chaytaj pesarqa qanchis pachaj qanchis chunkayoj gramos, imaynachus Dioswan Tinkukuna Toldopi peso churasqa kasqanman jina. Iskaynin junt'a karqanku sumaj kaj ñut'u jak'uwan aceitewan puñasqa ch'aki mikhuy ofrendapaj. 20 Chaymantaqa qollarqataj uj qolqe cucharata incienso junt'ayojta, chaytaj pesarqa pachaj chunkayoj gramos. 21 Chantá qollarqataj uj torillota, uj carnerota, uj watayoj corderota ima sumaj q'apashajta Tata Diosman ofrendata jaywanampaj. 22 Qollarqataj uj chivota juchaspa cuentanmanta. 23 Allinyakuy jaywanapajtaj iskay torillosta qorqa, phishqa carnerosta, phishqa chivosta, phishqa corderosta uj watayojtakama. Chay ofrendasta Zuarpa churin Natanaelqa apamorqa. 24 Kinsa kaj p'unchaypi Helonpa churin Eliabñataj ofrendasninta apamorqa. Payqa kuraj kaj kamachej karqa Zabulón ayllumanta. 25 Payqa uj qolqe ch'illamita apamorqa, chaytaj pesarqa waranqa tawa pachaj kinsa chunkayoj gramos. Pay apamullarqataj uj qolqe yuruta, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa ch'aki mikhuy ofrendapaj. 26 Chaymantaqa uj qori cucharata inciensowan junt'ayojta apamorqa, chaytaj pesarqa pachaj chunkayoj gramos. 27 Chantá apamullarqataj uj torillota, uj carnerota, uj watayoj corderota ima, Diospaj q'olachisqa kanankupaj. 28 Uj chivotawan apamullarqataj juchaspa cuentanmanta jaywasqa kanampaj. 29 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chay ofrendasqa karqanku Helonpa churin Eliabpata. 30 Tawa kaj p'unchaypi Sedeurpa churin Elisurñataj ofrendasninta apamorqa; pay kuraj kaj kamachej karqa Rubén ayllumanta. 31 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 32 Chaymantaqa qollarqataj qorimanta uj jatun cucharatawan incienso junt'ayojta, chaytaj pesarqa pachaj chunkayoj gramos. 33 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 34 Uj chivotawan apamorqa juchaspa cuentanmanta jaywasqa kanampaj. 35 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Sedeurpa churin Elisurpa ofrendasnin karqa. 36 Phishqa kaj p'unchaypi Zurisadaijpa churin Selumiel ofrendasninta apamorqa. Pay karqa Simeón ayllumanta kuraj kaj kamachej. 37 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 38 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 39 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 40 Chantá uj chivotawan apamorqa, juchaspa cuentanmanta jaywasqa kanampaj. 41 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Zurisadaijpa churin Selumielpa ofrendasnin karqa. 42 Sojta kaj p'unchaypi Reuelpa churin Eliasaf ofrendasninta apamorqa. Pay karqa Gad ayllumanta kuraj kaj kamachej. 43 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 44 Chantapis qollarqataj qorimanta uj jatun cucharatawan incienso junt'ayojta, chaytaj pesarqa pachaj chunkayoj gramos. 45 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 46 Uj chivotawan apamorqa, juchaspa cuentanmanta q'olachisqa kanampaj. 47 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Reuelpa churin Elisafpa ofrendasnin karqa. 48 Qanchis kaj p'unchaypi Amiudpa churin Elisama ofrendasninta apamorqa payqa Efraín ayllumanta kuraj kaj kamachej karqa. 49 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 50 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 51 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 52 Uj chivotawan apamorqa, juchaspa cuentanmanta jaywasqa kanampaj. 53 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Amiudpa churin Elisamaj ofrendasnin karqa. 54 Pusaj kaj p'unchaypi Pedasurpa churin Gamaliel ofrendasninta apamorqa. Pay Manasés ayllumanta kuraj kaj kamachej karqa. 55 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 56 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 57 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 58 Uj chivotawan apamorqa, juchaspa cuentanmanta jaywasqa kanampaj. 59 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Pedasurpa churin Gamalielpa ofrendasnin karqa. 60 Jisq'on kaj p'unchaypi Gedeonijpa churin Abidán ofrendasninta apamorqa. Pay karqa Benjamín ayllumanta kuraj kaj kamachej. 61 Paypa ofrendan karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 62 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 63 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 64 Uj chivotawan apamorqa, juchaspa cuentanmanta jaywasqa kanampaj. 65 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Gedeonijpa churin Abidanpa ofrendasnin karqa. 66 Chunka kaj p'unchaypi Amisadaijpa churin Ahiezer ofrendasninta apamorqa. Pay karqa Dan ayllumanta kuraj kaj kamachej. 67 Paypa ofrendan karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 68 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 69 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 70 Uj chivotawan apamorqa, juchaspa cuentanmanta jaywasqa kanampaj. 71 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Amisadaijpa churin Ahiezerpa ofrendasnin karqa. 72 Chunka ujniyoj kaj p'unchaypi Ocranpa churin Pagiel ofrendasninta apamorqa. Pay karqa Aser ayllumanta kuraj kaj kamachej. 73 Paypa ofrendanqa karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantá uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 74 Chantapis qollarqataj qorimanta uj jatun cucharata incienso junt'ayojta, chaytaj pesarqa pachaj chunkayoj gramos. 75 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 76 Uj chivotawan apamorqa, juchaspa cuentanmanta jaywasqa kanampaj. 77 Chay tukuykuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Ocranpa churin Pagielpa ofrendasnin karqa. 78 Chunka iskayniyoj kaj p'unchaypi Enanpa churin Ahira ofrendasninta apamorqa. Pay karqa Neftalí ayllumanta kuraj kaj kamachej. 79 Paypa ofrendasnin karqa uj qolqe ch'illami, chaytaj pesarqa waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, Dioswan Tinkukuna Toldopi peso churasqa kasqanman jina. Iskaynin junt'a karqanku sumajnin kaj ñut'u jak'uwan aceitewan puñasqa, ch'aki mikhuy ofrendapaj. 80 Chantapis qollarqataj qorimanta uj jatun cucharatawan incienso junt'ayojta, chaytaj pesarqa pachaj chunkayoj gramos. 81 Chantá qollarqataj uj torillota, uj carnerota, uj watayoj corderota ima, Diospaj q'olachisqa kanankupaj. 82 Uj chivotawan apamorqa, juchaspa cuentanmanta jaywasqa kanampaj. 83 Chay tukukuytataj allinyakuy ofrendapaj apamorqa iskay torosta, phishqa carnerosta, phishqa chivosta, phishqa corderosta uj watayojtakama. Chaykuna Enanpa churin Ahiraj ofrendasnin karqa. 84 Ajinata altarta Tata Diospaj t'aqanapaj, Israel ayllusmanta kurajkunaqa kay imasta qorqanku: Chunka iskayniyoj qolqe ch'illamista, chunka iskayniyoj qolqe yurusta, chunka iskayniyoj qori cucharastawan. 85 Sapa qolqe ch'illami pesarqa waranqa tawa pachaj kinsa chunkayoj gramos; sapa qolqe yuru pesarqa qanchis pachaj qanchis chunkayoj gramos. Tukuynimpi karqanku iskay chunka sojtayoj waranqa tawa pachajniyoj gramos, Dioswan Tinkukuna Toldopi peso churasqa kasqanman jina. 86 Inciensoyoj chunka iskayniyoj qori cucharas karqanku. Sapa ujtaj pesarqa pachaj chunkayoj gramos, Dioswan Tinkukuna Toldopi peso churasqa kasqanman jina. Tukuynimpi pesarqanku waranqa kinsa pachaj iskay chunkayoj gramos. 87 Q'olachinapaj tukuynin animalesqa karqanku chunka iskayniyoj torillos, chunka iskayniyoj carneros, uj watayojkama chunka iskayniyoj corderos, ch'aki mikhunamanta ofrendasninwankama, chunka iskayniyoj chivos ima, juchaspa cuentanmanta jaywasqa kanankupaj. 88 Allinyakuy ofrendastaj tukuynimpi karqanku iskay chunka tawayoj torillos, sojta chunka carneros, sojta chunka chivos, uj watayojkama sojta chunka corderos ima. Chay uywa wañuchisqa q'olachinasqa karqa Tata Diospaj altarta t'aqapunapaj, imaynachus kasqanman jina jawiytawan. 89 Dioswan Tinkukuna Toldopi Dioswan parlanampaj yaykuspa, Moisesqa Tata Diospa parlamusqanta uyarerqa, Diospa leyninwan kasharqa, chay arcampa patampi Khuyakuyta Tarina cheqapi, querubinespa chawpinkumanta. Ajinata Tata Diosqa chaypi paywan parlarqa.
