NÚMEROS 33

1Kaykuna karqanku israelitaspa jarakusqasninku, Egiptomanta llojsimusqankumantapacha soldados jina. Paykunata pusarqanku Moiseswan, Aaronwan. 2Moisesqa, chay maykunapichus jarakorqanku, chay cheqasta qhelqarqa kaymanta jaqayman purisqasninkuta. Kaykuna kanku chay cheqaspa sutisninku: 3Israelitasqa Ramsesmanta purirerqanku ñawpaj kaj killapi chunka phishqayoj p'unchaypi, Pascua mikhuyta mikhusqanku, chay q'ayantin. Chaypacha paykunaqa may wapus tukuy enemigospa qhawananta llojserqanku. 4Chaykama egipciospa tukuy kuraj kaj churisninkuta Tata Dios wañurachisqa, chaykunata p'ampasharqanku; chantapis Tata Diosqa tukuy diosninkukunatawan manakajman tukucherqa. 5Israelitasqa Ramsesmanta llojsispa, Sucotpi jarakorqanku. 6Sucotmanta llojsispa, Etampi jarakorqanku, ch'in pampaj tukukuynimpi. 7Etammanta rispa, muyuykorqanku Pi-hahirot chaynejman, Baal-zefonpa inti llojsimuyninnejman, jarakorqankutaj Migdolpa chimpampi. 8Pi-hahirotmanta purirerqanku. Jatun Qochata chimpaytawantaj, Etam nisqa ch'in pampaman chayarqanku; kinsa p'unchayta riytawan, Marapi jarakorqanku. 9Maramanta rispa, Elimpi jarakorqanku. Chaypitaj karqa chunka iskayniyoj yaku juturis, qanchis chunka palma sach'as ima. 10Elimmanta rispa, Puka Qocha kantupi jarakorqanku. 11Puka Qochamanta rispa, ch'in pampa Sinpi jarakorqanku. 12Ch'in pampa Sinmanta rispa, Dofcapi jarakorqanku. 13Dofcamanta rispa, Aluspi jarakorqanku. 14Alusmanta rispa, Refidimpi jarakorqanku, chaypitaj ujyanankupaj mana yaku karqachu. 15Refidimmanta rispa, Sinaí ch'in pampapi jarakorqanku. 16Sinaimanta rispa, Kibrot-hataavapi jarakorqanku. 17Kibrot-hataavamanta rispa, Hazerotpi jarakorqanku. 18Hazerotmanta rispa, Ritmapi jarakorqanku. 19Ritmamanta rispa, Rimon-perespi jarakorqanku. 20Rimon-peresmanta rispa, Libnapi jarakorqanku. 21Libnamanta rispa, Rissapi jarakorqanku. 22Rissamanta rispa, Ceelatapi jarakorqanku. 23Ceelatamanta rispa, Sefer Orqopi jarakorqanku. 24Sefer Orqomanta rispa, Haradapi jarakorqanku. 25Haradamanta rispa, Macelotpi jarakorqanku. 26Macelotmanta rispa, Tahatpi jarakorqanku. 27Tahatmanta rispa, Tarapi jarakorqanku. 28Taramanta rispa, Mitcapi jarakorqanku. 29Mitcamanta rispa, Hasmonapi jarakorqanku. 30Hasmonamanta rispa, Moserotpi jarakorqanku. 31Moserotmanta rispa, Bene-jaacanpi jarakorqanku. 32Bene-jaacanmanta rispa, Gidgad Orqopi jarakorqanku. 33Gidgad Orqomanta rispa, Jotbatapi jarakorqanku. 34Jotbatamanta rispa, Abronapi jarakorqanku. 35Abronamanta rispa, Ezión-geberpi jarakorqanku. 36Ezión-gebermanta rispa, Zin ch'in pampa Cades nisqapi jarakorqanku. 37Cadesmanta rispa, Hor nisqa orqo kinraypi jarakorqanku. Chayqa Edomwan tinkuynimpi karqa. 38Tata Diospa kamachisqanman jina Aaronqa Hor nisqa Orqoman wicharerqa, chaypitaj wañuporqa tawa chunka watapi, phishqa kaj killapi, qallarikuy p'unchaypi. Chayqa yupakorqa israelitas Egiptomanta llojsimusqanku p'unchaymantapacha. 39Aaronqa chay Hor nisqa orqopi wañuporqa pachaj iskay chunka kinsayoj watasniyoj kashaspa. 40Aradmanta rey cananeo chaypacha Neguevpi tiyakusharqa, Canaán jallp'api; paytaj yacharqa israelitas chaynejman chayamusqankuta. 41Hor nisqa orqo kinraymanta rispa, Zalmonapi jarakorqanku. 42Zalmonamanta rispa, Punonpi jarakorqanku. 43Punonmanta rispa, Obotpi jarakorqanku. 44Obotmanta rispa, Ije-abarimpi jarakorqanku, Moab jallp'awan tinkuypi. 45Ije-abarimmanta rispa, Dibon-gadpi jarakorqanku. 46Dibon-gadmanta rispa, Almon-diblataimpi jarakorqanku. 47Almon-diblataimmanta rispa, Abarim Orqonejpi jarakorqanku, Nebopi inti llojsimuynejpi. 48Abarinmanta rispa, Moab pampaspi jarakorqanku Jordán Mayoj kantumpi, Jericó llajtaj chimpampi. 49Jarasninkoqa karqa Jordán Mayu kantupi Bet-jesimotmanta Abel-sitimkama Moab pampasnejpi. 50Jordán Mayu kantupi Moab pampaspi kashajtinku, Jericó llajtaj chimpampi Tata Diosqa Moisesman parlaspa, nerqa: 51Kay jinata niy: Jordán Mayuta chimpaytawan Canaán jallp'aman yaykuspaqa, 52tukuy chaypi tiyakojkunata qharqoychej, phiriychejtaj rumimanta ruwasqa lantisninkuta. Chay tukuy fierro ruwasqasta unuyachiychej, thuñiychejtaj ima lomaspichus lantisninkuta yupaychanasninkutawan. 53Chay jallp'aspi tiyakojkunata qharqoychej, qankunataj chaypi tiyakuychej. Noqamin qoykichej chay jallp'asta chaypi tiyakunaykichejpaj. 54Chay jallp'atataj rak'inakunkichej suerteta choqaspa, sapa ayllupi mashkhachus kasqaykichejman jina. Jatun ayllumanqa jatullantataj qonkichej, juch'uy ayllumantaj pisillatataj qonkichej. Sapa uj jap'enqa maynejpichus suerte urmasqanman jina. 55Sichus qankuna chay runasta mana qharqonkichej chayqa, chay qhepakojkuna ñawisniykichejpi qhepu jina nanachisonqachej, khishka jinataj cuerposniykichejpi t'ojsisonqachej. Qankuna chay jallp'aspi tiyakushajtiykichej, paykuna llakichisonqachej. 56Chantá Noqa qankunawan ruwasaj, imaynatachus paykunawan ruwayta yuyarqani, chayman jina.

will be added

X\