NÚMEROS 15

1Tata Diosqa Moisesman kamacherqa: 2Israelitasman niy: Maypachachus, Noqa qosqaykichej, chay jallp'aman tiyakoj yaykunkichej chaypachaqa, 3uj torota, chayrí uj ovejata apamuwankichej sumaj jaywanata q'olachinaykichejpaj, chayrí waj jaywanata, imatachus qosaj nisqaykichejta junt'aspa, chayrí tukuy sonqowan munasqaykichejman jina qosqaykichejta, chayrí ima fiestapi qosqaykichej ofrendatapis. 4Pichus jaywanata apamojqa chay jaywanaman yapachun sumajnin kaj ñut'u jak'uta uj litro aceitewan chajrusqata. 5Chantapis yapallachuntaj sapa jaywasqa chayrí q'olachisqa corderoman uj litro ofrenda vinota. 6Sichus uj carnerota apamuwankichej chayqa, chayman yapankichej tawa kilos sumajnin kaj ñut'u jak'uta uj litro kuraj aceitewan chajrusqata 7Chaywan khuska churallankichejtaj uj litro vinota. Chayqa Tata Diospaj ima munayta q'aparenqa. 8Sichus Tata Diosman qonkichej torillota q'olachisqa jaywanapaj, waj jaywanapaj, chayrí allinyakuy ofrendapaj, chayrí imata qosaj nisqaykichejta junt'anapaj chayqa, 9chayman yapankichej sojta kilos sumajnin kaj ñut'u jak'uta uj litro kuraj aceitewan chajrusqata. 10Chantapis chaywan khuskata qollankichejtaj iskay litros vinotawan, sumaj jaywanata Tata Diospaj q'olachinaykichejpaj. 11Ajinata ruwankichej sapa torillowan, carnerowan, corderowan, chayrí cabrawampis. 12Ajinata ruwankichej sapa jaywanata qosqaykichejwan, mashkhachus kasqanman jina. 13Chaytaqa tukuynin israelitas kamachisqayman jina kikinta ruwanqanku, jaywanasta ima munayta q'apashajta Noqapaj q'olachispa. 14Sichus uj forastero qankunajman chayaykamoj jina, chayrí qankunawan tiyakun unaytaña, paytaj uj jaywanata Noqaman apamuwayta munan sumaj q'apashajta chayqa, qankuna jina kikillantataj ruwachun. 15Chay kikillantapuni ruwankichej qankuna, qankunawan tiyakoj forasteros, jinallataj mirayniykichejpis. Ajina chay kamachisqayqa wiñaypaj kanqa. 16Qankunapaj, jinallataj qankunawan tiyakoj karu llajtayojkunapajpis leyeswan, kamachisqaswan tukuypaj uj rejlla kanqa. 17Chantá Tata Diosqa Moisesman parlallarqataj: 18Niy israelitasman: Maypachachus ima jallp'amanchus pusasqaykichej, chayman yaykunkichej chaypachaqa, 19chay jallp'api poqojkunata sumajta mikhurikunkichej. Chaywampis uj chhikata Noqapaj t'aqapuwankichej. 20Ñawpajta oqharisqaykichej trigomanta uj chhikata t'aqapuwankichej, jinallataj ñawpajta ruwasqaykichej t'antamantapis ujta t'aqapuwankichej. 21Ajinata kay jina jaywanastaqa Tata Diosman t'aqapunkichejpuni. 22Sichus pantaspa, mana ruwankichej kay kamachisqasta Moisesnejta Tata Diospa qosqanta chayqa, 23qankunapis, mirayniykichejpis chay p'unchaykunamantapacha kayta ruwanaykichej tiyan: 24Sichus tukuynin israelitaspis mana yuyasqallamanta juchallinkuman chayqa, tukuyninku apamuwachunku uj torillota ima munay q'apashaj jaywanata Noqapaj q'olachinankupaj. Apamullawachunkutaj ch'aki mikhuy jaywanasta, vinotawan khuska, kamachisqa kasqanman jina. Juchaj cuentanmanta apamullawachunkutaj uj chivota wañuchispa q'olachinapaj. 25Chaymantaqa sacerdote chay uywata Tata Diosman q'olachispa jaywanqa tukuynin israelitaspa cuentanmanta, juchasninkumanta perdonasqa kanankupaj. Noqataj mana yuyasqallamanta juchallikusqankumanta paykunata perdonasaj, imaraykuchus paykuna uywa wañuchisqasta apamuwanku juchasninkoj cuentanmanta q'olachisqa kanampaj. 26Noqa tukuynin israelitasta perdonasaj, jinallataj paykunawan tiyakoj forasterostapis, mana yuyasqallamanta juchallikusqankumanta. 27Sichus uj runa juchallikun mana yuyasqallamanta chayqa, uj watayoj cabritata apamuchun juchampa cuentanmanta. 28Chay cabritata sacerdoteqa jaywanqa chay runaj juchanmanta; jinamanta perdonasqa kanqa. 29Chay leyllapuni kanqa tukuynin israelitaspaj, jinallataj qankunawan tiyakoj forasterospajpis, mana yuyasqallamanta juchallikusqankurayku. 30Sichus uj runa juchallikun jucha kasqanta yachashaspa chayqa, israelitapis kachun, chayrí forasteropis kachun, Noqata qhesachawan. Chayrayku chay jina runaqa israelitas ukhumanta chinkachisqa kanqa. 31Chay runaqa nisqasniyta qhesachan, kamachisqasniyta mana junt'anchu. Chayrayku ayllusnin ukhumanta qhechusqa kanqa, juchan patapitaj wañonqa. 32Ch'in pampapi kashaspa, israelitasqa uj runata samarikuna p'unchaypi llant'ata pallashajta tarerqanku. 33Chay runata ajinata tarispataj, pusarqanku Moisesman, Aaronman, jinallataj tukuy runaspa ñawpaqenmampis. 34Paykunataj chay runata wisq'aykorqanku, imaraykuchus mana yacharqankurajchu imatachus ruwanankuta. 35Chaymanta Tata Diosqa Moisesman nerqa: Chay runaqa wañunampuni tiyan. Tukuynin israelitas jawaman orqhospa, rumiswan ch'anqamuchunku, nispa. 36Jinapi tukuynin israelitasqa chay runata jaramanta jawaman orqhospa, chaypi rumiswan ch'anqaykorqanku wañuchinankukama, Tata Diosqa Moisesman kamachisqanman jina. 37Tata Diosqa Moisesman kamacherqa: 38Kayta niy israelitasman: P'achasniykichejpa kantusnimpi waych'asta ruwankichej. Chaykunata ruwakunkichej lila q'aytumanta. 39Ajinamanta chay waych'asnejta yuyarikunkichej tukuy kamachisqasniyta qosqaymanta, junt'ankichejtaj. Ajinata sajra munayniykichejwan mana atipachikunkichejchu, chay mayqen imaspichus qhenchachakorqankichej, chaywan. 40Ajinamanta yuyarikunkichej tukuy kamachisqasniymanta, junt'ankichejtaj. Noqa Diosniykichejta allinta qhatiwankichej. 41Noqamin kani Tata Diosqa, qankunaj Diosniykichej, pichus Egiptomanta orqhomorqaykichej Diosniykichej kanaypaj, chay. Noqa Señorniykichej Tata Dios kani.

will be added

X\