NEHEMÍAS 3

1Chaypacha kuraj kaj sacerdote Eliasibwan 2Paykunawan kuska llank'allarqankutaj Jericomanta kajkuna. Chaymantataj Imrij wawan Zakur perqata oqharichillarqataj. 3Senaáj wawankuna ruwarqanku Challwa punku nisqata. K'aspikunata churaykuytawankama, punkunta churaykorqanku llavekunantinta, fierro trancanastawan ima. 4Chaymanta llank'allarqataj Meremot Uriaspa wawan, Hacospa allchin. Chaymantaj waj perqatataj ruwarqa Mesezabeelpa allchhin Berequiaspa wawan Mesulam. Qhepan kajtataj oqharicherqa Baanaj wawan Sadoc. 5Chaymanta rej perqataqa Tecoamanta kajkuna oqharicherqanku, kurajninkukunarí mana munarqankuchu yanapayta chay ruwachejkunataqa. 6Paseahpa wawan Joiada, Besodiaspa wawan Mesulam ima ruwarqanku Jesana Punku nisqata. K'aspikunata churaykuytawankama, punkukunanta churaykorqanku llavekunantinta, fierro trancananta ima. 7Chaymanta rej perqataqa oqharicherqanku Gabaonmanta chay Malatías, Meronotmanta Jadón, chantá Gabaonmanta Mizpamanta ima runakuna. Paykunaj kamachejninkuqa karqa Transeufratina ladomanta kamachej. 8Chaymanta rej perqataqa Harhaíaj wawan Uziel oqharicherqa. Payqa qorimanta k'achanchanasta ruwaj runa karqa. Chaymanta rej perqatataj Hananías oqharicherqa; payqa perfumeta ruwaj runa karqa. Paykuna iskayninku perqata oqharicherqanku Ancho nisqa perqakama. 9Chaymanta paykunawan khuska llank'allarqataj Refaías Hurpa wawan. Payqa Jerusalén khuskan llajtata kamachej karqa. 10Chaymanta rej perqata Harumafpa wawan Jedaías oqharicherqa; wasin chimpallapi chay ruwananqa karqa. Chaymanta rej perqatataj Hasabniaspa wawan Hatús oqharicherqa. 11Chaymanta rej perqataqa Harimpa wawan Malquiaswan, chantá Pahat-moabpa wawan Hasubwan oqharicherqanku. Hornos Torre nisqatapis paykunallataj ruwarqanku. 12Chaymanta rej perqatataj Halohespa wawan Salum, chantá wawasnin ima oqharicherqanku. Payqa Jerusalén khuskan llajtata kamachej karqa. 13Hanunwan, chantá Zanoapi tiyakojkunawan ruwarqanku Valle Punku nisqata. Punkukunata churaykaporqanku, llavekunanta, fierro trankanankuta ima. Oqharicherqankutaj tawa pachaj phishqa chunkayoj metros perqata chay Q'opa Wijch'una Punku nisqakama. 14Recabpa wawan Malquías ruwarqa Q'opa Wijch'una Punku nisqata. Punkukunata churaykaporqa llavekunantinta, fierro trancanakunantinta. Payqa Bet-haquerem suyupi kamachej karqa. 15Colhozej wawan Salumqa Mizpa chaynejmanta kamachej karqa, oqharicherqataj Pujyu Punku nisqata. Payqa patanta qhataykucherqa, punkukunanta churaykaporqa llavekunantinta, fierro trancakunatawan. Perqata oqharichillarqataj Kamachejpa Huertan nisqa chaynejpi, Siloé Qocha chaynejpi perqatapis, Davidpa llajtanman uraykuna gradas, chaynejkama. 16Azbucpa wawan Nehemías chaymanta rej perqata oqharicherqa, Davidpa ayan p'ampasqa kashan, chay chimpakama. Chaymanta perqata oqharicherqa yaku churanakama, jinataj Wapu Soldadokuna nisqa wasikama. Nehemiasqa Bet-sur llajtaj khuskanninmanta kamachej karqa. 17Chaymanta rej perqataqa levitakuna oqharicherqanku: Banijpa wawan Rehum, aswan ñawpajmantaj Hasabías perqata oqharicherqa; payqa Keila cheqapi kamacherqa, llajtampa sutimpitaj perqata oqharicherqa. 18Chaymanta rej perqatataj oqharicherqanku llajta masinkumanta Henadadpa wawan Bavaiwan. Payqa Keila cheqapi kamachej karqa. 19Josuejpa wawan Ezerqa perqata oqharicherqa chay esquinapi arma jallch'ana wasiman wicharinaj chimpampi; payqa Mizpa llajtapi kamachej karqa. 20Chaymanta rej perqatataj Zabaijpa wawan Baruc tukuy sonqo perqata oqharicherqa esquinanmantapacha kuraj kaj sacerdote Eliasibpa wasi punkunkama. 21Chaymanta rej perqataqa Uriaspa wawan Meremot oqharicherqa; payqa Cospa allchhin karqa. Perqata oqharichillarqataj Eliasibpa wasi punkunmantapacha chay wasin tukukuyninkama. 22Chaymanta rej perqata Jordán vallepi tiyakojkuna sacerdotekuna oqharicherqanku. 23Chaymanta rej perqataqa oqharichillarqankutaj Benjaminwan, Hasubwan, wasinku chimpapi karqa, chayta. Chaymanta rej perqatataj Maasiaspa wawan Azarías oqharicherqa; payqa Ananiaspa allchhin karqa, wasintaj chaynejpi karqa. 24Chaymanta rej perqataqa Henadadpa wawan Binuy oqharicherqa Azariaspa wasinmantapacha kikin esquinakama. 25Chaymanta rej perqatataj Uzaipa wawan Palal oqharicherqa esquinaj chimpan perqata. Chantá kamachejpa kamachinan wasipi aswan jatun kaj torretawan oqharicherqa; chayqa soldadokunaj pationkupi kashan. Chaymanta rej perqata Farospa wawan Pedaías oqharicherqa, 26Yaku Punku nisqa chay chimpamantapacha inti llojsimuynejman jina, chantá chay aswan jatun kaj torretawan. Ofelpi tiyakojkunaqa Diospa Templompi sirvejkuna karqanku. 27Tecoamanta kajkunataj chaymanta rej perqata oqharerqanku, chay jatun torrej chimpanmantapacha Ofelpa perqankama. 28Sacerdotekunapis sapa uj wasinkoj chimpampi kajta oqharicherqanku, Caballokuna Punku nisqa chaynejmantapacha. 29Chaymanta rej perqata Imerpa wawan Sadoc oqharichillarqataj, wasin chimpapi kashan, chayta. Chaymanta rej perqataqa Secaniaspa wawan Semaías ruwarqa. Payqa Inti Llojsimuy Punku nisqata qhawaj karqa. 30Chaymanta rej perqatataj oqharicherqa Selemiaspa wawan Hananías, Hanonwan khuska. Hanonqa Salafpa sojta kaj wawan karqa. Chaymanta rej perqata Berequiaspa wawan Masulam, wasin chimpapi kaj perqata oqharicherqa. 31Chaymanta rej perqataqa Malquías oqharicherqa. Payqa qolqemanta k'achanchanakunata ruwayta yacharqa, chay perqatataj oqharicherqa Templopi sirvejkunaj wasinkukama, jinataj qhatojkunaj wasinkukama, chay Qhawana Punku nisqa chimpapi, chay altos pata esquina wasita. 32Qorimanta k'achanchanakunata ruwajkunawan, chay qhatojkunawan oqharichillarqankutaj chaymanta rej perqata, chay esquinapi soldadokunapa qhawananku, chaymantapacha Ovejakuna Punku nisqa, chaynejkama.

will be added

X\