NEHEMÍAS 11

1Chay nacionmanta kamachejkunaqa Jerusalén llajtapi tiyakorqanku. Chay waj runakunamantataj suerteta choqarqanku sapa chunka familiasmanta ujnin familiaqa Jerusalén llajtapi tiyakapunankupaj, chay llimphupaj qhawasqa llajtapi, Diospaj t'aqasqa llajtapi. Chay jisq'on familia puchojkunarí chay waj llajtitaspi tiyakapunanku karqa. 2Chaymanta tukuy runakunaqa Jerusalén llajtapi mana pejpa nisqallan tiyakojkunata jatumpaj qhawarqanku. 3Kaykuna karqanku chay kutimpojkunamanta aswan kurajninkukuna Jerusalén llajtapi watejmanta tiyakapojkunaqa. Chay waj israelitastaj sacerdotekuna, levitakuna, Templopi sirvejkuna jinataj Salomonpa kamachisnimpa miraynimpis, sapa ujpis Judapi kaj llajtasninkupi, kikin jallp'asninkupitaj tiyakaporqanku. 4Judá ayllumanta, jinataj Benjamín ayllumanta kajkunapis wakenqa Jerusalenmpi tiyakaporqanku. Judá ayllumanta kajkuna karqanku: Ataiasqa Uziaspa wawan karqa, paytaj Zacariaspa wawan, paytaj Amariaspa wawan, paytaj Sefatiaspa wawan, paytaj Mahalaleelpa wawan, paytaj Farespa ayllunmanta karqa. 5Maasiasqa Barucpa wawan karqa, paytaj Colhozejpa wawan, paytaj Hazaíaspa wawan, paytaj Adiaspa wawan, paytaj Joiaribpa wawan, paytaj Zacariaspa wawan, paytaj Silonipa wawan karqa. 6Farespa ayllunmanta Jerusalén llajtapi tiyakapojkunaqa karqanku tawa pachaj sojta chunka pusajniyoj kallpayoj qharis. 7Benjamín ayllunmanta karqanku: Saluqa Mesulampa wawan karqa, paytaj Joedpa wawan, paytaj Pedaiaspa wawan, paytaj Colaiaspa wawan, paytaj Maasiaspa wawan, paytaj Itielpa wawan, paytaj Jesaiaspa wawan, 8chaypa qhepantaj Gabaiwan, Salaiwan ima wawqesnin karqanku. Tukuypi karqanku jisq'on pachaj iskay chunka pusajniyoj. 9Zicrijpa wawan Joel kamachejninku karqa. Senúaj wawan Judataj chay llajtapi qhepan kaj kamachej karqa. 10Sacerdotesmanta karqanku: Joiaribpa wawan Jedaías, Jaquín, 11Hilciaspa wawan Seraías, paytaj Mesulampa wawan, paytaj Sadocpa wawan, paytaj Meraiotpa wawan, paytaj Aitobpa wawan karqa; Aitobqa Diospa Templompi kuraj kamachej karqa. 12Paywan khuska Templopi sirvejkuna pusaj pachaj chunka iskayniyoj karqanku. Adaiasqa Jerohampa wawan karqa, paytaj Pelaliaspa wawan, paytaj Amsijpa wawan, paytaj Zacariaspa wawan, paytaj Pasurpa wawan, paytaj Malquiaspa wawan, 13paykunaj yanapajninkunawan, familiaspi kurajkuna ima. Paykuna karqanku iskay pachaj tawa chunka iskayniyoj. Amasaiqa Azareelpa wawan karqa, paytaj Azaipa wawan, paytaj Mesilemotpa wawan, paytaj Imerpa wawan. 14Chaypa ayllunmin pachaj iskay chunka pusajniyoj kallpayoj runakuna karqanku, kamachejninkutaj Gedolimpa wawan Zabdiel karqa. 15Levitasmanta kaykuna karqanku: Semaías, paytaj Hasubpa wawan, paytaj Azrikampa wawan, paytaj Hasabiaspa wawan, paytaj Bunijpa wawan karqa. 16Sabetaiwan, Jozabadwanqa levitaspa kuraj kamachejninku karqanku. Paykunaqa churasqa karqanku Temploj jawannejpi ruwanaspaj. 17Mataniasqa Micaíaj wawan karqa, paytaj Zabdijpa wawan, paytaj Asafpa wawan karqa. Payqa takejkunaj kuraj kamachejninku karqa, chay takejkuna Diosman yupaychanamanta takejtinku, jinataj graciasta qojtinku Diosta yupaychana, chay horapi. Bacbuquiasqa kuraj kaj wawqempa qhatin karqa. Abdaqa Samuaj wawan karqa, paytaj Galalpa wawan, paytaj Jedutunpata wawan karqa. 18Diospaj t'aqasqa Jerusalén llajtapi levitasqa tukuyninkupi karqanku iskay pachaj pusaj chunka tawayoj. 19Punkusta qhawajkuna karqanku: Acubwan, Talmonwan, chantá familiasninkuwan ima pachaj qanchis chunka iskayniyoj. 20Sacerdotesmanta, levitasmanta puchoj israelitastaj Judá jallp'api, waj llajtitaspipis tiyakaporqanku, sapa ujpis jallp'asninkupi. 21Chaywampis Diospa Templompi sirvejkunaqa Ofel nisqa cheqapi tiyakaporqanku, kamachejninkutaj karqanku Zila, Gispa ima. 22Jerusalenmpi levitaspa kamachejninkoqa karqa Uzi. Payqa Banijpa wawan karqa, paytaj Hasabiaspa wawan, paytaj Mataniaspa wawan, paytaj Micaiajpa wawan karqa, paytaj Asafpa ayllunmanta karqa. Paykunaqa takejkunata yachachej kanku, Diospa Templompi sirvejkuna. 23Chaytaqa kamachej kamachisqa, takejkunaqa sapa p'unchay mit'ankuman jina Diospa Templompi sirvinankupaj. 24Judá ayllumanta Seraj ayllunmanta Mesezabeelpa wawan Petaiasqa kamachejpa sutimpi parlaj runakunaman. 25Judá ayllumanta wakinkuna kay cheqaspi tiyakorqanku: Kiriat-arbapi, Dibonpi, Jekabseelpi, 26Jesuapi, Moladapi, Bet-peletpi, 27Hazar-sualpi, Beersebapi, 28Siclagpi, Meconapi, 29En-rimonpi, Zorapi, Jarmutpi, 30Zanoapi, Adulampi, Laquispi, Azecapi ima, tukuy ranchosnimpi, chay campo jallp'asnimpi ima. Tiyakaporqanku Beersebamantapacha Hinom Vallekama. 31Benjamín ayllumanta kajkunataj tiyakorqanku Gebapi, Micmaspi, Aiapi, Betelpi, chay ranchosnimpi ima. 32Tiyakullarqankutaj Anatot llajtapi, Nobpi, Ananiaspi, 33Hazorpi, Ramapi, Gitaimpi, 34Hadidpi, Seboimpi, Nebalatpi, 35Lodpi, Onopi, K'achanchana Ruwajkunaj Vallen nisqapipis. 36Chay jawataj levitakunaqa Judá suyupi, Benjamín suyupiwan tiyakorqanku.

will be added

X\