NEHEMÍAS 10

1Chay tratota ruwasqankuman sutisninkuta qhelqajkunaqa kaykuna karqanku: Jacaliaspa wawan kamachej Nehemías, Sedequías ima. 2Sacerdotekunataj karqanku: Seraías, Azarías, Jeremías, 3Pasur, Amarías, Malquías, 4Hatús, Sebanías, Maluc, 5Harim, Meremot, Obadías, 6Daniel, Ginetón, Baruc, 7Mesulam, Abías, Mijamín, 8Maazías, Bilgaí, Semaías ima. 9Levitakunataj karqanku: Azaniaspa wawan Jesúa, Henadadpa ayllunmanta Binuy, Cadmiel, 10jinataj masisninku Sebanías, Hodías, Quelita, Pelaías, Hanán, 11Micaía, Rehob, Hasabías, 12Zacur, Serebías, Sebanías, 13Hodías, Bani, Beninu ima. 14Judiosta kamachejkuna karqanku: Paros, Pahat-moab, Elam, Zatu, Bani, 15Buni, Azgad, Bebai, 16Adonías, Bigvai, Adín, 17Ater, Ezequías, Azur, 18Hodías, Hasum, Bezai, 19Harif, Anatot, Nebai, 20Magpías, Mesulam, Hezir, 21Mesezabeel, Sadoc, Jadúa, 22Pelatías, Hanán, Anaías, 23Oseas, Hananías, Hasub, 24Halohes, Pilha, Sobec, 25Rehum, Hasabna, Maasías, 26Ahías, Hanán, Anán, 27Maluc, Harim, Baana ima. 28Kay tukuy judíos tantaykukorqanku Dioswan tratota ruwanankupaj: Sacerdotekuna, levitakuna, punku qhawajkuna, takejkuna, Templopi sirvejkuna, Diospa leyninta junt'anankurayku waj runakunamanta t'aqakojkuna, warmisninkuwan khuska, wawasninkuwan, sipasninkuwan, yuyayniyojña kajkunamanta pataman. 29Paykunaqa familiasninkuwan jinataj kurajninkukunawan tantaykukuspa, jurarqanku Diospa leyninman jina kawsanankupaj, jinataj mana pantaspa junt'anankupaj Diosninkoj kamachisqasninta, nisqasninta, leyninta ima, mayqentachus kamachin Moisesnejta qorqa, chaykunata. 30Kay jinata nerqanku: Kay jallp'api tiyakojkuna runakunawanqa mana sipasniykuta casarachisqaykuchu, nillataj saqesqaykuchu wawasniykupis chay llajtayojkunaj sipasninkuwan casarakojta. 31Jinallataj, sichus kay llajtayoj runakuna tukuy laya granosta, poqochisqasninkutapis samarikuna p'unchaypi, chayrí mayqen yuyarikuna fiesta p'unchaypipis apamuwaykuman chayqa, mana imatapis rantisqaykuchu. Ajinallatataj qanchis kaj watapeqa jallp'asta samarichisqayku, manusniyku kajtapis perdonallasqaykutaj. 32Jinallatataj niyku, sapa wata tawa gramos qolqeta qonaykutapuni Diosniykoj Templompi ruwanaspaj: 33Diospa ñawpaqempi nisqa t'antapaj, sapa p'unchay jaywanasta, ch'aki mikhuy jaywanasta jaywanapaj, sapa p'unchay ruphachinaspaj, mosoj killapi jaywanapaj, samarikuna p'unchaypi jaywanaspaj, waj fiestaspi jaywanaspaj, tukuy laya jaywanaspaj, Israelpa juchasnimpa cuentanmanta jaywanaspaj, jinallataj Diosniykoj Templompi ruwanapajpis. 34Chay jawaqa, sacerdotekuna, levitakuna, tukuy ayllupis, sapa familiasninkuman jina suertesta choqayku Diosniykoj Templonman llant'ata sapa wata apanaykupaj, mayk'ajpajchus apana karqa chayman jina, Diosniykoj altarnimpi ruphachinapaj, Moisespa leynimpi qhelqasqa kasqanman jina. 35Jinallatataj parlanakuyku sapa wata apanaykupaj Tata Diosniykoj Templonman chajrasniykumanta ñawpaj poqoyta, jinataj tukuy poqoj sach'asniykumantapis. 36Jinallatataj nerqayku apanaykuta Diospa Templonman kuraj kaj qhari wawasniykuta, wakasniykoj kuraj kaj uñasninta, ovejasniykojtapis, leypi qhelqasqa kasqanman jina, Templopi kaj sacerdotesniykoj ñawpaqenman. 37Jinallatataj nerqayku Diosniykoj Templompi jallch'anasninman, sacerdotespaj apanaykuta chajraykumanta ñawpaj poqoyta: Ñawpaj poqoj granomanta jak'usta, poqoj sach'asmanta, vinosmanta, jinataj aceiteykumanta ima. Chantá nillaykutaj apanaykuta, levitakunaman tukuy chajra poqopuwasqaykumanta sapa chunkamanta ujta, imaraykuchus paykunapuni chayta jap'inanku tiyan tukuy llajtakunapi. 38Poqoykunamanta chunkaman t'aqasqata ujnin kaj t'aqata levitakuna tantamoj rejtinku, paykunawan khuska Aaronpa ayllunmanta uj sacerdotepis rinallantaj tiyan. Chantá levitasñataj chay poqoykunata apananku tiyan Diosniykoj Templompi mikhuna jallch'ana cuartokunsman, tantasqankumanta sapa chunkamanta ujta. 39Israelitakuna, jinataj levitakunapis apanqanku imatachus Señorman qonankuta vinomanta, aceitemanta ima, Templopi jallch'ana cuartokunaman. Chaypi kashanku Templopi ruwanasta ruwanapaj imas, chayllapitaj kashanku sacerdotekuna, sirvejkuna, punku qhawajkuna, jinataj takejkunapis. Nerqaykutaj ajinata Diosniykoj Templonta mana saqerparinaykuta.

will be added

X\