JOSUÉ 24

1Josueqa tukuy Israel ayllukunata Siquem llajtapi 2Josuetaj tukuynin israelitakunata nerqa: –Israelitakunajpa Tata Diosnin ajinata nin: “Unay ñawpa tataykichej Térah, chantá churinkuna Abraham, Nacor ima Éufrates mayu kantupi tiyakorqanku, chaypitaj waj dioskunata yupaycharqanku. 3Noqaqa ñawpa tataykichej Abrahamta chay mayu kantumanta pusamuspa, tukuynin Canaán jap'iynejta puricherqani. Chaypacha payta miracherqani, ñawpajta Isaac churinta qorqani, 4Isaacmantaj iskay churikunata qorqani, Jacobta, Esautawan. Esaumanqa Seirpi orqorara cheqata qorqani. Jacobtajrí wawankunanwan Egiptoman riporqanku. 5Chaypi kashajtinkutaj, Moisestawan Aarontawan kacharqani, chaypachataj egipciokunataqa wañuchej onqoykunawan ñak'aricherqani, chaymanta qankunata orqhomunaykama. 6Ñawpa tataykichejkunata Egiptomanta orqhomusqaytawan, egipciokunaqa caballokunapi chanta carretakunapi ima paykunata Puka Qochakama qhatiykorqanku. 7Ñawpa tataykichejkunataj yanapanayta mañakuwarqanku, noqataj egipciokuna israelitakunata ama taripanankupaj laqhayaykucherqani. Mama qocha yakuta kachaykorqani, chaytaj paykunata wañucherqa. Qankunaqa Egiptopi imatachus ruwasqayta sumajta yachankichej. Chay qhepatataj qankunaqa unayta ch'in pampanejta purerqankichej. 8Chantá Noqaqa amorreokunajpa jap'iyninkuman pusamorqaykichej, Jordán mayu inti llojsimuynejman. Paykunaqa qankunawan maqanakorqanku, Noqataj paykunata atipaykucherqaykichej, jinamanta qankunaqa jallp'ankuta jap'erqankichej. 9Chaymantaqa Moab suyuta jatun kamachej Ziporpa churin Balacñataj qankunawan maqanakoj llojsimorqa. Paytaj Beorpa churin Balaamta, qankunata ñakasunaykichejpaj wajyachimorqa. 10Noqatajrí Balaam ñakasunaykichejta mana saqerqanichu, manachayqa pay bendecisorqachej. Ajinatamin qankunata kacharicherqaykichej. 11Chay qhepata qankunaqa Jordán mayuta chimpaspa, Jericokama chayarqankichej. Chay llajtayojkunaqa qankunawan maqanakorqanku, jinallataj amorreokuna, ferezeokuna, cananeokuna, heteokuna, gergeseokuna, heveokuna, jebuseokuna ima. Noqatajrí paykunata atipaykucherqaykichej. 12Amorreokunaj iskaynin jatun kamachejkunankuta mana espadaykichiswanchu nitaj flechaykichiswanchu atipaykorqankichej. Manachayqa Noqa ñawpaqeykichejta wayronqokunata kachaykorqani. Chayrayku paykunaqa manaraj chayashajtiykichej, ñapis ayqerqankuña. 13Noqa qankunaman mana llank'asqaykichej jallp'ata qorqaykichej, mana qankunaj ruwasqaykichej llajtakunata ima. Kunanqa chaykunapi tiyakushankichej, mikhushankichejtaj uvata, aceitunata ima mana qankunaj plantasqaykichejmanta” nispa. 14Chayrayku Tata Diosta manchachikuychejpuni, Paytataj tukuy sonqo sirviychej. Ñawpa tataykichejkuna Éufrates mayu chimpapi, Egiptopi ima yupaycharqanku, chay dioskunata wijch'uychej. Qankunaqa Tata Diosllatapuni kasuychej. 15Sichus Tata Diosta mana kasuyta munankichejchu chayqa, kunampacha pitachus sirvinaykichejta ajllakuychej: 16Chantá israelitakuna kuticherqanku: –Noqaykoqa mana jayk'ajpis Tata Diosta saqesqaykuchu, waj dioskunata sirvinaykupajqa, 17Egiptopi wata runa kashajtinchej Tata Diosninchej noqanchejta, jinallataj ñawpa tatanchejkunatapis orqhomuwarqanchej. Pay rikunanchejta t'ukunata ruwarqa. Paymin ñanta jamushajtinchej, jinallataj tukuy llajtakunaj chawpinta pasamushajtinchej waqaychawarqanchej. 18Tata Diosqa tukuy runakunata ñawpaqenchejmanta wijch'orqa, jinallataj kay suyupi tiyakoj amorreokunatapis. Chayrayku noqaykupis kunanqa Tata Diostapuni sirvikusqayku, imaraykuchus Paymin Diosniykoqa, nispa. 19Josuetaj paykunata nerqa: –Qankunaqa Tata Diosta kasuspa puriyta mana atinkichejchu, imaraykuchus Payqa manchay llimphu Diosmin, celosotaj. Payqa mana qhawallanqachu Paypa contrampi oqharikusqaykichejta nitaj juchallisqaykichejtapis. 20Sichus qankuna waj dioskunata yupaychaspa Tata Diosmanta qonqapunkichej chayqa, Payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa. 21Israelitakunatajrí nerqanku: –Chaytaqa mana ruwasqaykuchu; noqaykoqa Tata Diosllatapuni kasuspa purisqayku, nispa. 22Chantá Josue kuticherqa: –Diosllata kasuspa purinaykichejta ajllakusqaykichejmanta qankunallataj testigo kankichej, nispa. Paykunataj kuticherqanku: –Arí, noqallaykutaj kayku, nispa. 23Josuetaj kuticherqa: –Jina chayqa, jap'ikushankichejraj, chay dioskunata wijch'uychej; tukuy sonqotaj Israelpa Tata Diosninman kutirikuychej, nispa. 24Israelitakunataj Josueman nerqanku: –Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa. 25Chay p'unchaypacha Siquem llajtapi Josuewan israelitakunawan uj tratota ruwarqanku. Chay tratopi ima kamachiykunatachus junt'anankuta nerqa chanta imaynatachus kawsanankutapis. 26Imatachus parlasqankutataj Josueqa Diospa qhelqanman qhelqarqa. Chaymantataj uj jatun rumita oqharispa, Dioswan Tinkukuna Toldoj qayllampi, encina sach'a uraman sayacherqa. 27Chantá israelitakunaman nerqa: Tata Dios kay tukuy imata niwasqanchejmanta, kay rumi testigo kanqa. Chantataj qankunaj contraykichejpi testigo jina kallanqataj, ama Tata Diosniykichejta wasanchanaykichejpaj, nispa. 28Chaymantataj Josueqa sapa ujninkuta kachaporqa, maypichus tiyakorqanku, chayman. 29Chaymanta mana unaymanchu Tata Diospa kamachin Numpa Josue wañuporqa, pachaj chunka watayoj kashaspa. 30Chanta Gaas Orqomanta wichaynejpi, Efrainpa jap'iynin orqorara cheqapi, Timnat-serah jallp'ampi ayanta p'ampamorqanku. 31Josué kawsashajtin israelitakunaqa Diosllata kasuspa purerqanku, Josue wañupusqanmanta qhepamampis kurajkuna kawsanankukama Diosllata kasorqanku. Chay kurajkunaqa israelitakunapaj Tata Dios imakunatachus ruwapusqanta allinta yacharqanku. 32Israelitakunaqa Josejpa tullunta Egiptomantapacha apamusqankuta Siquem llajtapi p'amparqanku. Chay jallp'ataqa tatan Jacob, Siquem sutiyojpa tatan Hamormanta pachaj qolqewan rantikusqa. 33Aaronpa churin Eleazarpis wañupullarqataj, ayantataj Efrain aylloj orqorara cheqapi, churin Fineespa lomampi p'amparqanku.

will be added

X\