JOSUÉ 19

1Iskay kaj sorteasqa jallp'ataj Simeón aylluman, mashkhachus kasqankuman jina qosqa karqa. Simeon aylloj jap'iynenqa Judá aylloj chawpimpi karqa. 2Simeón aylloj jap'iyninpi kaj llajtakuna kaykuna karqanku: Beerseba, Sebá, Moladá, 3Hasar-sual, Balá, Ésem, 4Eltolad, Betul, Hormá, 5Siclag, Bet-marcabot, Hasar-susá, 6Bet-lebaot, Saruhén ima. Chay tukuynin llajtakuna chanta juch'uy llajtakunantin ima chunka kinsayoj karqanku. 7Chay jawa kay llajtakunata jap'illarqankutaj: En-rimonta, Eterta, Asanta ima. Chay llajtakunaqa juch'uy llajtakunantin ima tawa karqanku. 8Jinallataj Simeón ayllumanta kajkunaqa, Baalat-beerkama chay llajtakunajpa muyuynimpi kaj juch'uy llajtakunatawan jap'illarqankutaj, chaytaj uranejpi ch'in pampanejpi Ramat llajtakama karqa. Chay jallp'amin Simeón aylluman chayarqa, mashkhachus kasqankuman jina. 9Simeón aylloj jap'iynenqa Juda aylloj jap'iynin chawpipi karqa, imaraykuchus Judá aylloj jap'iynenqa jatun karqa. Chayrayku Simeón aylloqa chaypi jallp'ata jap'erqa. 10Kinsa kaj sorteasqa jallp'ataj Zabulón ayllupajñataj karqa, mashkhachus kasqankuman jina. Chay jap'iypaj mojonnenqa Saridkama karqa. 11Chaymanta mojonnenqa inti yaykuynejman Maralakama rillarqapuni, chaymantataj Dabesetkama, chaytaj Jocneampa chimpan wayq'opi tukukorqa. 12Saridmanta chay mojonqa inti llojsimuynejman Quislot-taborkama rerqa, chaymanta Daberatman rerqa, chaymantataj Jafiaman wicharerqa. 13Chaymanta mojonnenqa inti llojsimuynejman Gat-heferman chayarqa, chaymantataj Ita-casinman. Chaymantataj Rimonman Neaj muyuyninta llojserqa. 14Wichaynejta mojonnenqa Hanatonkama muyuykamorqa, chaymantataj Jefte-el Valleman llojserqa. 15Zabulón aylloj jap'isqan jallap'api chunka iskayniyoj llajtakuna, juch'uy llajtakunantin ima karqanku. Kaykuna karqa: Catat, Nahalal, Simrón, Idalá, Belén ima. 16Chaymin Zabulón aylloj jap'isqan jallp'a karqa, llajtakunantin, juch'uy llajtakunantin ima, mashkha aylluchus kasqankuman jina. 17Tawa kaj sorteasqa jallp'aqa, Isacar aylluman qosqa karqa, mashkhachus kasqankuman jina. 18Chay jap'iypi llajtakuna karqa: Jezreel, Quesulot, Sunem, 19Hafaraim, Sihón, Anaharat, 20Rabit, Quisión, Ebes, 21Rémet, En-ganim, En-hadá, Bet-pasés ima. 22Chay jallp'aj mojonnenqa Taborman, Sahasimaman, Bet-semesman ima chayarqa, tukukorqataj Jordán Mayupi. Tukuynimpi chunka sojtayoj llajtakuna chanta juch'uy llajakunantin ima karqa. 23Chaymin Isacar aylluman chayasqan jallp'a karqa, llajtakunannin chanta juch'uy llajtakunantin ima, mashkhachus kasqankuman jina. 24Phishqa kaj sorteasqa jallp'aqa, Aser ayllumanñataj chayarqa, mashkhachus kasqankuman jina. 25Chay jap'iypi llajtakunataj karqa: Helcat, Halí, Betén, Acsaf, 26Alamelec, Amad, Misal ima; ajinaqa mojonnenqa inti yaykuynejman Carmelo Orqokama, Sihor-libnatkama chayarqa. 27Chaymantaqa inti llojsimuynejta Bet-dagonman muyuykamorqa, chayarqataj Zabulon aylloj jap'iyninman, wichaynejpi Jefte-el Valleman, chantá Bet-emecman, Neielman, wichaynejmantaj Cabulman llojserqa. 28Chaymanta mojonqa Ebronmanta rillarqataj Rehobman, Hamonman, Canaman ima, Sidón jatun llajtaman chayanankama. 29Chaymanta mojonnenqa Ramanejta muyuykamuspa, sumaj phatu perqawan muyuykuchisqa Tiro llajtakama chayarqa, chaymantataj Hosanejta rerqa, chaymantataj Jatun Qochaman llojserqa. Jap'iynenqa Mahaleb, Aczib ima karqa. 30Chaymanta Umá llajta, Afec, Rehob llajta ima jap'iynimpi karqa. Tukuynimpi iskay chunka iskayniyoj llajtakuna karqanku, muyuynimpi kaj llajtakunantin ima. 31Chaymin Aser aylloj jap'iynin karqa, mashkhachus kasqankuman jina. 32Sojta kaj sorteosqa jallp'aqa Neftalí ayllumanñataj qosqa karqa, mashkhachus kasqankuman jina. 33Chaykunaj jap'iyninkoj mojonnenqa Hélefmantapacha, Saananimpi encina sach'a qayllanta pasarqa, chaymantataj Adami-nequeb llajtanta, Jabneelninta, Lacumkama chayarqa, chanta Jordan mayupi tukukorqa. 34Inti chinkaykuynejpi mojonnenqa Aznot-tabornejta muyuykamorqa, chaymantataj Hucocnejta; uranejtataj Zabulón aylloj jap'iyninwan tinkuynejta muyuykamorqa. Inti chinkaykuynejmantaj mojonnenqa Aser aylloj mojonninkama karqa. Inti llojsimuynejmantaj Neftali aylloj jap'iyninpa mojonnenqa Jordán mayukama chayarqa. 35Sumaj phatu perqawan muyuykuchisqa llajtakunataj kaykuna karqanku: Sidim, Ser, Hamat, Racat, Quinéret, 36Adamá, Ramá, Hasor, 37Quedes, Edrei, En-hasor, 38Irón, Migdal-el, Horem, Bet-anat, Bet-semes ima. Tukuynimpi chay llajtakunaqa muyuynimpi juch'uy llajtakunantin ima, chunka jisq'onniyoj karqanku. 39Chaymin Neftalí aylloj jap'iynin karqa, mashkhachus kasqankuman jina, llajtakunantin chanta juch'uy llajtakunantin ima. 40Qanchis kaj sorteasqa jallp'aqa Dan ayllumanñataj chayarqa, mashkhachus kasqankuman jina. 41Chay jap'iypi kay llajtakuna karqa: Sorá, Estaol, Ir-semes, 42Saalbim, Aialón, Jetlá, 43Elón, Timnat, Ecrón, 44Eltequé, Guibetón, Baalat, 45Jehud, Bené-berac, Gat-rimón, 46Mejarcón, Racón ima, Jope chimpapi kaj jap'iywan khuska. 47Chay jallp'a mana tukuyninkuman wakinanta qhawaspataj, Dan ayllumanta kajkuna Lésem llajtaj contranta maqanakoj rerqanku, chanta chay llajtata jap'ispa, chaypi tiyakojkunata tukuyninta wañuracherqanku. Ajinamanta paykunaqa chay jallp'api tiyakorqanku, chanta chay llajtata ñawpa tatanku Danpa sutinwan suticharqanku. 48Chaymin Dan aylloj jap'iynin karqa, mashkhachus kasqankuman jina, llajtakunanintin, juch'uy llajtakunantin ima. 49Tukuy Israel ayllukunaman jallp'ata rak'irayta tukuytawantaj, israelitakunaqa jap'iyninku chawpipi Josuemanñataj jallp'ata qoporqanku. 50Tata Diospa kamachisqanman jina Josueman Timnat-sera llajtata qoporqanku, Josué chayta mañakusqanman jina. Chay llajtaqa Efraín aylloj jap'iynin orqorara cheqanejpi karqa. Josuetaj chay llajtata watejmanta sayarichispa, chaypi tiyakorqa. 51Josuewan, sacerdote Eleazarwan chanta israelitakunajpa kurajkunankuwan ima, Silo llajtapi Dioswan Tinkukuna Toldoman yaykunapi tantakuspa, Diospa ñawpaqempi sorteopi sapa aylluman jallp'ata rak'erqanku. Ajinata jallp'a rak'inakuyta tukorqanku.

will be added

X\