JOSUÉ 16

1Josejpa churinkunan sorteopi jap'isqanku jallp'aj mojonnenqa uranejmanta, Jericó yaku juturi chaynejmanta, Jordan mayu qayllamanta qallarerqa. Chaymantataj patanejman inti llojsimuynejman jina Jericonejta pasarqa, chaymantataj ch'in pampanejta, orqorara cheqanejta rispa Betelkama chayarqa. 2Betelmanta mojonqa Atarot cheqanejta pasarqa. Atarotpi arquitakuna 3Chaymantataj inti yaykuynejman, jafletitakunajpa jallp'ankunanejta, uranejpi Bet-horonkama rerqa. Chaymantataj mojonqa Guezerkama, Jatun Qochapi tukukunankama rerqa. 4Josejpa wawankunan Manaseswan, Efrainwan 5Efraín ayllu mashkhachus kasqankuman jina jap'isqankoj jallp'aj mojonnenqa kay jina karqa: Inti llojsimuynejmanta Atarot-adarmanta pata kaj Bet-horonkama karqa. 6Chaymanta mojonqa Jatun Qochakama rerqa. Patanejpi Micmetat karqa, chaymanta mojonqa Taanat-silokama rerqa, chaymantataj Janoahnejta pasarqa. 7Janoahmanta Atarotman, Naaraman ima jurayk'orqa, chaymanta Jericonta pasaspa, Jordán mayuman llojserqa. 8Tapuamanta mojonnenqa inti chinkaykuynejman Caná wayq'okama rillarqapuni, chaymantataj Jatun Qochaman llojserqa. Ajina karqa Efraín ayllu mashkhachus kasqankuman jina jap'isqankoj jallp'aj mojonnenqa. 9Chantá Efraín ayllupaj llajtakuna chanta juch'uy llajtakuna ima Manasés aylloj jap'iynin ukhupi kallarqataj. 10Chaywampis Efraín ayllumanta kajkunaqa Guezerpi tiyakoj cananeokunata mana wijch'orqankuchu; chayrayku cananeokunaqa kunankama paykuna ukhupi tiyakushankuraj. Chaywampis cananeokunata wata runata jina ja'erqanku.

will be added

X\