JOSUÉ 15

1Judá ayllu mashkhachus kasqankuman jina sorteopi jap'isqanku jallp'aqa, Edompa jap'iyninwan tinkuykama karqa, uraynejmantaj Sin nisqa ch'in pampakama karqa. 2Chay uraynejmanta mojonqa K'ara Qocha kantumantapacha karqa. 3Chaymanta mojonnenqa uraynejman Acrabim q'asanta, Sin nisqa ch'in pampakama rillarqapuni; chaymanta Cades-barneakama wicharerqa, chaymantataj Hezronman rerqa. Chaymantataj Adarninta wicharispa, Carcanta muyuykamorqa. 4Chaymanta mojonnenqa Asmon llajtakama karqa, chaymantataj Egipto mayuman llojserqa, chaymantataj Jatun Qochapi tukukorqa. Uranejman mojónqa chay karqa. 5Inti llojsimuynejman mojonqa K'ara Qochawan, Jordán mayuwan tinkuykama karqa. Chaymanta wichaynejman mojón qallarerqa, 6chaynejmanta Bet-hoglanejta wicharerqa, chaymantataj wichaynejpi Bet-arabanejta pasarqa, chaymantataj Rubenpa wawan Bohán nisqa qaqaman chayarqa. 7Chaymantá mojonqa Acor Vallemantapacha Debirman wicharerqa, chaymantataj Guilgalman kutirimorqa, chaytaj Adumin q'asaj ñawpaqempi karqa. Chaymanta mojonqa En-semes yaku juturikama rillarqapuni, chaymantataj En-rogel nisqa juturikama llojserqa. 8Chaymanta mojonqa Ben-hinom Vallenejta, Jebuspa uray kantunta rillarqapuni, chay niyta munan Jerusalennejta. Chaymanta Hinom Vallej inti chinkaykuy chimpan orqo puntannejta rerqa, chanta Refaim Valleman jurayk'amorqa. 9Chay mojonmanta orqo puntanta Neftoahpi yaku juturikama muyuykamorqa, chaymantaqa Efrón Orqopi llajtakunanninta, Baala nisqa chayninta pasarqa, chaytaj Quiriat-jearim, nisqa kashan. 10Baalapi chay mojonmanta inti chinkaykuynejta Seir Orqokama kutirimorqa; chaymanta Jearim Orqoj patannejta rillarqapuni, chaytaj kashan Quesalón nisqa, chaymanta Bet-semeskama jurayk'orqa, chaymantataj Timnaman chayarqa. 11Chantá mojonnenqa Ecronpa wichaynin inti llojsimuyninnejta rillarqataj, chaymantataj Sicronpa wasanta muyuykamuytawan, Baalá Orqonejta rerqa; chaymantaqa Jabneelman llojserqa, tukukorqataj Jatun Qochapi. 12Inti yaykuynejman mojonenqa Jatun Qochakama karqa. Judá aylloj mojonnin tukuy muyuynintimpi chaykunamin karqa, mashkhachus kasqankuman jina. 13Josueqa, Tata Diospa kamachisqanman jina, Jefunéj wawan Calebman Judá aylloj jap'iynin ukhupi jallp'ata qorqa. Payman Quiriat-arba llajtata qorqa, chayqa Hebrón llajta karqa, anaquitakunaj jatun llajtanku. 14Chay llajtamanta Calebqa Anacpa kinsantin wawankunanta wijch'orqa, Sesaita, Ahimanta chanta Talmaita ima. 15Chaymantataj Debir llajtapi tiyakojkunawan maqanakoj rerqa; chay llajtaj ñawpa sutin Quiriat-séfer karqa . 16Chaypacha Calebqa nerqa: “Pichá kay llajtata maqanakuspa jap'ejman Acsa sutiyoj ususiyta warmimpaj qosaj,” nispa. 17Chantá Cenazpa churin Otonielqa chay llajtata jap'erqa; pay karqa Calebpa wawqempa wawan. Calebtaj Otonielman Acsa sutiyoj ususinta warmin kanampaj qorqa. 18Warminta pusakapushajtin, Otoniel Acsata nerqa, tatan Calebmanta llank'ana jallp'ata qochikunanta. Acsataj burromanta jurayk'uspa, tatanman qayllaykorqa. Calebtaj nerqa: –¿Imatataj munashanki, wawáy? nispa. 19Paytaj nerqa: Ujta qonawaykita mañakuyki. Neguev ch'innejpi jallp'ata ña qowankiña; kunanqa yaku juturiyoj jallp'ata qoway ari, nispa. Tatan Calebtaj, patanejpitaj uranejpitaj yaku juturiyoj jallp'ata qorqa. 20Judá ayllumanta mashkhachus kasqankuman jina jallp'a jap'isqanku, kaykuna karqa. 21Uranejman Edompa jap'iyninwan tinkuypi jap'isqan chay llajtakuna kaykuna karqanku: Cabseel, Éder, Jagur, 22Quiná, Dimoná, Adadá, 23Cedes, Hasor, Itnán, 24Zif, Télem, Bealot, 25Hasor-hadatá, Queriot, Hesrón ima, Hesrónpa ujnin sutintaj Hasor karqa, 26Amam, Semá, Moladá, 27Hasar-gadá, Hesmón, Bet-pélet, 28Hasar-sual, Beerseba, juch'uy llajtakunantin ima, 29Baalá, Iim, Ésem, 30Eltolad, Quesil, Hormá, 31Siclag, Madmaná, Sansaná, 32Lebaot, Silhim, Aín chanta En- rimón ima. Tukuynimpi iskay chunka jisq'onniyoj llajtakuna, juch'uy llajtakunantin ima karqanku. 33Pampampi kaj llajtakunataj kaykuna karqanku: Estaol, Sorá, Asná, 34Zanóah, En-ganim, Tapúah, Enam, 35Jarmut, Adulam, Socó, Azecá, 36Saaraim, Aditaim, Guederá, Guederotaim ima. Tukuynimpi chunka tawayoj llajtakuna, tukuy juch'uy llajtakunantin ima karqanku. 37Chantá kallarqataj kay llajtakuna: Senán, Hadasá, Migdal-gad, 38Dileán, Mispá, Jocteel, 39Laquis, Boscat, Eglón, 40Cabón, Lahmam, Quitlís, 41Guederot, Bet-dagón, Naamá, Maquedá ima. Tukuynimpi chunka sojtayoj llajtakuna tukuy juch'uy llajtakunantin ima karqanku. 42Kallarqataj: Libná, Éter, Asán, 43Ifta, Seana, Nesib, 44Queilá, Aczib, Maresá ima. Tukuynimpi jisq'on llajtakuna, tukuy juch'uy llajtakunantin ima karqanku. 45Chantá kallarqataj Ecrón llajta, juch'uy llajtakunantin ima. 46Kallarqataj Ecronmanta Jatun Qocha nisqakama, Asdod qayllapi kaj jallp'antin, juch'uy llajtakunantin ima. 47Chantá kallarqataj Asdod llajta, juch'uy llajtakunantin ima; kallarqataj Gazapis, juch'uy llajtakunantin, Egipto mayukama, chantá Jatun Qocha nisqa kantunkama. 48Orqoyoj jallp'akunapis kay llajtakuna Judaman chayallarqataj: Samir, Jatir, Socó, 49Daná, Quiriat-sana, ujnin sutin Debir karqa, 50Anab, Estemoa, Anim, 51Gosén, Holón, Guiló ima. Tukuynimpi chunka ujniyoj llajtakuna, juch'uy llajtakunantin karqanku. 52Chaymantaqa kallarqataj Arab, Duma, Esán, 53Janum, Bet-tapúa, Afecá, 54Humtá, Quiriat-arba, chayqa Hebrón karqa, Sior ima. Chaykuna jisq'on llajtakuna, juch'uy llajtakuna ima karqanku. 55Kallarqataj Maón, Carmel, Zif, Jutá, 56Jezreel, Jocdeam, Zanóah, 57Caín, Guibeá, Timná ima. Chaykuna chunka llajtakuna karqanku, juch'uy llajtakunantin ima. 58Chaymanta kallarqataj Halhul, Bet-sur, Guedor, 59Maarat, Bet-anot, Eltecón ima. Sojta llajtakuna, juch'uy llajtakunantin karqanku. 60Kallarqataj Quiriat-baal, chay karqa Quiriat-jearim, Rabá ima. Chaykuna iskay llajtakuna, juch'uy llajtakunantin karqanku. 61Ch'in pampapi Bet-arabá, Midín, Secacá, llajtakuna chayarqa, 62Nibsán, Kachi llajta, En-gadi ima. Chaykuna karqanku sojta llajtakuna, juch'uy llajtakunantin ima. 63Juda ayllumanta kajkunaqa Jerusalempi tiyakoj jebuseokunata mana wijch'uyta aterqankuchu. Chayrayku kunankama Judá aylluwan khuska Jerusalenpi tiyakushanku.

will be added

X\