JOB 8

1Chantá Súa sutiyoj suyumanta jamoj Bildadqa kuticherqa: Mayk'ajkamataj chay jinata parlankiri? Mayk'ajkamataj simiykimanta chay nisqasniyki llojsenqa uj muyoj wayra jinari? 3Tukuy Atiyniyoj Diosqa cheqan kajtaqa mana q'ewinchu, nillataj justiciatapis. 4Wawasniykichari Diospa contranta juchallerqanku, Diostaj chay juchankuman jina paykunata castigan. 5Tukuy Atiyniyoj Diosta mask'ay, mañakuytaj qanmanta khuyakunanta. 6Sichus qan cheqan sonqowan, cheqantataj purinki chayqa, Pay qhawarisonqa, familiaykitataj watejmanta sayarichipusonqa. 7Ñawpajta imasniykichus tiyapusorqa, chaykunaqa mana imachu kanqa, qhepaman tiyapusonqa chaykunamanta nisqaqa. 8Tapuriy ñawpa runas imaynatachus tiyakorqanku, chayta; paykunamanta yachaqakuy imaynachus kasqankuta. 9Noqanchejqa qaynallamantaraj kanchej, manaraj imatapis yachanchejchu; kay pachapi kawsayninchejqa llanthu jinalla chinkaripun. 10Ñawpa runasrí ashkha imasta yachachisuyta atenqanku, ashkha imasmantataj willasonqanku. 11T'otoraswan, papiro nisqa waj laya t'otorawanqa, maypichá yakus tiyan, chayllapi wiñanku. 12Chaywampis q'omerlla kashaspa, mana k'utusqalla, tukuy qhorasmanta aswan ñawpajta ch'akirparin. 13Kikillantaj kashan, pikunachus Diosta qonqapunku, chaykunawampis; sajra runas may jinata yuyaspa suyakusqankoqa chinkapullantaj. 14Creesqanku, imapichus atienekusqanku imaqa mik'u mik'oj llikhan jinalla kanku. 15Mik'u mik'oj llikhanmanta jap'ikuyta munanqanku, chaytaj llik'irparikonqa. Mik'u mik'oj llikhanman ch'ipakonqanku, chaytaj mana aguantanqachu. 16Sajra runasqa intej ñawpaqempi q'omer qhoras jina kanku. Ijimusqankoqa tukuy huertaman junt'aykun. 17Saphiykunku chhankasnintinman, chay saphistaj rumisnintinman ch'ipaykukunku. 18Pillapis chaymanta t'irajtintajrí, ni pipis ninmanchu: Chaypi karqa, nispa. 19Ajinamanta chaykunaqa tukukonqanku; maypichus wiñarqanku, chay cheqaspi waj qhorasñataj wiñanqanku. 20Diosqa mana qhesachanqachu cheqan runataqa, nitaj sajra runatapis yanapanqachu. 21Payqa ujtawan asirichisonqa, saqesonqataj kusiywan jatunmanta qhaparejta. 22Chaymantataj enemigosniykeqa p'enqaymanta wañonqanku, chay sajra runaspa wasisninkutaj thuñisqa kanqanku, nispa nerqa Bildadqa.

will be added

X\