1 Súa sutiyoj llajtamanta Bildadqa nillarqataj: 2 Diosqa manchay jatun, atiyniyoj, manchachikunataj. Payqa janaj pachapi allin kawsayta sayachin. 3 Soldadosnenqa mana yupay atina kanku. K'anchaynenqa tukuypaj k'anchamun. 4 Runaqa atinmanchu mana juchayoj, llimphu kayta Diospa ñawpaqempi? Imaynatataj uj warmimanta nacejqa llimphu kayta atinmanri? 5 Diospa rikuynimpeqa ni killapis lliphinchu lliphinanta jinaqa, nitaj ch'askaspis llimphus kankumanchu. 6 Chaychus uj khuru jina runaqa llimphu kayta atinman, runaj churin khuroqa, nispa nerqa Bildadqa.
