JOB 23

1Chantá Jobqa kutichispa, nerqa: 2Kunan ujtawan llakiywan parlarisaj; mayta ayqoshanipis, Payqa astawan ñak'arichillawampuni. 3Allin kanman yachanay maypichus Dios kasqanta, noqataj riyman, maypichus Pay tiyakun, chaykama. 4Payman imaynachus kasqayta rikuchimuyman, imaraykuchus llimphu kasqayta rikuchinayqa may chhika kashan. 5Chantá yachayman imaynatachus Pay kutichinawanta, yachaymantaj imatachus Pay niwasqanta. 6Diosqa mana atiynimpi atienekuspachu parlawanman, manachayqa uyaririwanman. 7Payqa niwanman noqa cheqampi kasqayta, mana juchayojtaj. Chaywanqa juzgawajniymanta librakuyman. 8Inti llojsimuynejpi mask'amuni Diosta, manataj tarinichu; inti yaykuynejpi mask'amullanitaj, chaypipis manallataj Payta tarinichu. 9Wichaynejpi mask'amuni, chaypitaj mana Payta rikunichu; uranejpi mask'amullanitaj, chaypipis manallataj Payta reparanichu. 10Chaywampis Pay rejsin sapa thaskisqayta; Payqa noqata pruebaman churawanqa, chaymantataj ch'uwa qori jina llojsimusaj. 11Noqaqa mana pantaspa Payllatapuni qhatini, ima ñantachus purinayta rikuchiwan, chayta. 12Noqaqa leyesninta, kamachisqasnintawan junt'anipuni, manataj noqaj munasqaytachu ruwani. 13Imatachus Pay ruwayta yuyan, chaytaqa ruwampuni, nitaj imapis uj jinayachinchu yuyasqantaqa. 14Imatachus noqawan ruwayta munan, chaytaqa ruwanqapuni, imastachus kayman rijch'akoj imasta ruwanan karqa, chaykunatawan khuska. 15Chayrayku Payta manchachikuni; chaypi yuyaspalla kharkatitini. 16Tukuy Atiyniyoj Diosqa may manchasqata jap'iwan. 17Allin kanman tuta chinkachinawan, laqhayaytaj mayt'uykunawan.

will be added

X\