JOB 18

1Chantá Súa sutiyoj jallp'amanta kaj Bildadqa kutichispa, nerqa: 2Mayk'ajkamataj parlallankichejpuniri? Unanchaychej, chaymantaraj parlasunchej. 3Imaraykutaj uywasta jina k'amiwayku, ñawiykipitaj wampus jina kaykuri? 4Ay, qan, chay phiñakuyniykiwan mitharakusqaykiraykuchu jallp'aqa ch'inman tukonqa? Qanraykuchu chhankaspis, maypichus kashanku, chaymanta wajnejpi kuyurenqanku? 5Cheqamanta juchasapaspa k'anchayninkoqa wañuchisqa kanqa, ninampa larwaynimpis manaña k'anchanqachu. 6K'anchanaqa wañuponqa; wasimpi k'anchaypis ayphuyaponqa. 7Imata jina thaskirisqampis manaña ajinachu kanqa. Imatachus yuyasqallampitaj urmanqa. 8Purinampi uj tojlla churasqa kanqa, chay tojllapitaj ch'ipasqa rikhurenqa. 9Chakisnin chaynejman lazo churasqa kanqa, chay lazotaj chakisninta mat'iykonqa. 10Chay lazo aysasqaqa ñampi pakasqa kanqa, chay ñanta pasashajtin, mat'iykunampaj. 11Tukuynejmanta jap'iykushankumampis jinata reparakun, jinallataj mayman rispapis, chejniywan qhatiykachasqa kasqanta yuyan. 12Yarqhaywan kallpampis tukukaponqa; ima llakiypis paypa patanman urmaykamoj jinalla kashan. 13Wañuypa kuraj kaj wawan onqoyqa pisimanta pisi aychanta mikhonqa. 14Toldon ukhumanta orqhosqa kanqa, maypichus kusisqa karqa, chaymanta; chantá manchachikunaj reyninman payta qhatatenqanku. 15Toldon ukhupi tiyakonqa manapis paypatachu kanman jina; wasimpis azufrewan ch'ajchusqa kanqa. 16Chay runaqa saphin ch'akisqa sach'a jina kashan, qawisqa ramasniyoj. 17Paymanta yuyarikunaqa kay pachamanta chinkachisqa kanqa. Manaña ujtawampis sutinta oqharenqankuchu. 18K'anchaymanta laqhayayman payta wijch'onqanku, kay pachamanta payta qharqonqanku. 19Llajtampeqa mana kanqachu wawasnin, nitaj allchhisnimpis; ni pipis wasimpi kawsashaj qhepakonqachu. 20Chay jinapuni chay p'unchaynin kasqanmanta, inti yaykuynejmanta kajkunaqa maytapuni mancharikonqanku, jinallataj inti llojsimuynejpi kajkunapis. 21Ajinata sajra runaj kawsaynenqa tukukonqa, pichus Diosta pisipaj qhawajpata, nispa nerqa Bildadqa.

will be added

X\