JEREMÍAS 45

1Josiaspa churin, Judamanta rey Joacim tawa watastaña kamachishajtin, Neriaspa churin Baruc profeta Jeremiaspa parlasqanta qhelqashajtin, Jeremiasqa Baructa nerqa: 2Israelpa Diosnin Tata Dios qanman kayta nisunki: 3Qan ninki: Ay noqamanta; Tata Diosqa nanayniyman llakiyta yapaykuwan. Waqaspa sayk'uniña, nitaj samarikuyta tarinichu, nispa. 4Tata Diostajrí kayta nisunki: Sayachisqayta Noqa urmachini, plantasqaytataj t'irani. Ajinallatataj ruwasaj tukuy kay jallp'api kajkunawan. 5Qanqa mentasqa kaytachu mask'ashanki? Chaytaqa ama mask'aychu, imaraykuchus Noqa tukuy runaspa patankuman ñak'ariykunata apachimusaj. Chaywampis mayman rejtiykipis, waqaychasqayki ama wañuchisqa kanaykipaj, nispa nin Tata Diosqa.

will be added

X\