ISAÍAS 35

1Ch'in pampapis, t'ojra pampapis kusikonqanku. Q'ara pampapi kusikuspa, qhallallarishaj rosas jina t'ikanqa. 2Chay ch'in pampaqa qhallallarispa t'ikanqa, mayta kusikuspataj takenqa. Líbano jina may k'achitu kanqa, Carmelo jallp'as Sarón jallp'as jinataj sumaj poqoj jallp'as kanqa. Ajinamanta paykunaqa Tata Diospa jatun kayninta rikonqanku, Diosninchejpa rey jina kayninta. 3Sayk'usqa kajkunata kallpachaychej; mana sayayta atej llawch'i moqosta sumajta sayachiychej. 4Manchachikojkunaman niychej: Kallpachakuychej, amataj manchachikuychejchu; qhawariychej, Diosniykichej jamushan enemigosniykichejwan vengakuspa pagachikunampaj, salvasunaykichejpajtaj, nispa. 5Chaypacha ciegospis rikuyta atenqanku, joq'araspa ninrisninkupis kicharisqa kanqa. 6Cojosqa tarukas jina phinkiykachanqanku; opapis kusiywan takirenqa. Ch'in pampapi yakus phullchimonqa, ch'in jallp'apitaj rishaj yakus kanqa. 7Chay ch'aki jallp'aqa yaku qochaman tukonqa, mana jayk'aj yaku llojsinaspitaj yaku juturis rikhurenqa. Maynejkunapichus k'ita alqos puñoj kanku, chay cheqapi soqososwan, t'otoraswan wiñanqanku. 8Chaypi kanqa uj sumaj ñan, sutintaj kanqa Santo Kaj Ñan. Chayninta juchayoj runaqa manapuni renqachu, nitaj ima wampu runapis chay ñantaqa purenqachu. 9Chaypeqa mana leones kanqachu, nitaj phiña k'ita animalespis chaynejta purenqankuchu. Chay ñanninta preciowan kacharichisqa kajkunalla purenqanku. 10Ajinata Tata Diospa salvasqasnenqa kutimponqanku; Sionmanqa takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunamanta ayqenqa.

will be added

X\