ISAÍAS 15

1Moabpaj uj willay jamun. Uj ch'isillapi Moabmanta Ar llajtaqa chinkachisqa karqa. Uj ch'isillapitaj Moabmanta Kir llajtapis chinkachisqa karqa. 2Dibón llajtamanta kajkunaqa, alto orqosman waqaj wicharerqanku, yupaychana wasinkuman. Moabqa Nebo llajtamanta, Medeba llajtamantawan waqaykun. Chaymanta runaspa chujchasninku, sunkhasninkuwan ruthusqa kashan. 3Callesninta runasqa qhashqa llakiy p'achasniyoj purinku; wasi patasman, plazasman llojsinku paran paranta waqarikuspa. 4Hesbonwan, Elealewampis maytapuni qhaparinku, chay qhaparisqankutaj Jahazakama uyarikun. Chayrayku Moabmanta soldadospis maytapuni mancharikuywan qhaparinku. 5Moab nacionmanta mayta llakikuni; runasnenqa Zoarkama chantá Eglat-selisiyakama ayqekunku. Luhit wichayta waqarikuspa wicharenqanku; Horonaim ñankunapi may jina llakiyta qhaparikunku chinkachisqa kasqankumanta. 6Nimrim yakus ch'akipunku, pastospis ch'akirapunku; qhoras ch'akirapunku mana ima q'omerpis kanankama. 7Chayrayku runasqa qhapaj imas tantasqankuta Sauce Wayq'o chimpaman apanqanku. 8Chay jinata runaspa qhaparikusqankoqa Moab jallp'aj lindesninkama uyarikun, waqasqankutaj chayan Eglainkama, Beer-elimkama ima. 9Dimón qayllapi yakuspis yawarwan junt'a kashan. Chaywampis aswan llakiytaraj Dimón llajtaman apachimusaj. Moabmanta ayqekushajkunatapis kachasqay leones mikhonqanku, jinallataj chay jallp'api qhepakojkunatapis.

will be added

X\