ISAÍAS 12

1Chay p'unchaypi ninki: Graciasta qoyki, Tata Dios, Qanqa noqapaj maytapuni phiñakorqanki; chaywampis chay jina k'ajaj phiñakuyniykeqa manaña kanchu, astawampis sonqochawanki. 2Diosmin salvawajneyqa; Paypi noqaqa atienekuni, manañataj manchachikusajchu. Tata Diosmin kallpayqa, Paymantataj takini. Paylla noqataqa salvawan. 3Qankunapis kusiywan salvación pujyumanta yakuta orqhonkichej. 4Chaypacha ninkichej: Tata Diosman graciasta qoychej; sutinta jatunchaychej. Imatachus ruwasqasninta runasman willamuychej, yuyarichiychejtaj sutenqa may jatun kasqanta. 5Tata Diosman takiychej, imaraykuchus Payqa sumaj imasta ruwan, chaytataj kay pachapi kaj chhika runas yachachunku. 6Sionpi tiyakojkuna, kusiywan sinch'ita takiychej, imaraykuchus Israelpa Santo Kaj Diosnenqa qankunaj chawpiykichejpi kashan, tukuy jatun kayninwan.

will be added

X\