OSEAS 3

1Tata Diosqa ujtawan nillawarqataj: Rispa, munakuyniykita rikuchiy waj runaj munakusqan khuchi warmiykiman. Ajinatamin Tata Diosqa israelitasta munakun, mana rejsisqa dioskunaj qhepankuta rishajtinkupis, uvas k'isa t'antasta mikhushajtinkupis, nispa. 2Chantá noqapaj rantikorqani chay warmita chunka phishqayoj qolqewan, kinsa pachaj kinsa chunkayoj kilos cebadawan ima. 3Paytataj nerqani: Unaypaj noqaypata kanki. Ama khuchichakuyñachu, nitaj pi qharimampis entregakuychu; ajinallataj noqapis kasaj, nispa. 4Israelitasqa unayta kanqanku mana reyniyoj, nitaj kamachejniyoj. Mana uywa wañuchisqa q'olachinas kanqachu, nitaj yupaychanapaj rumis, nitaj efod nisqa sacerdote p'achapis, nillataj wasi lantispis. 5Chaymanta qhepamanqa, israelitas kutimuspa Señorninku Tata Diosta mask'anqanku, jinallataj reyninku Davidtapis. Qhepa p'unchaykunapeqa, tukuy sonqo may jatumpaj Tata Diosta qhawaspa qayllaykonqanku, Payman k'acha kasqanrayku.

will be added

X\